المدونة التالية
كافة المدونات

كتاكيت ……..

كتبهاcinderella ، في 11 يوليو 2007 الساعة: 12:18 م

استدعى الاب ابنه لغرفته وما ان رأه امامه الا وبادر بتوجيه هذا السؤال
الاب : هتعرف يابنى تحافظ على الثروه اللى هتورثها من بعدى
الابن : طبعا يا ابا تربيتك

الاب : يعنى هتعرف تربى الكتاكيت زى ما انا ربيتهم
الابن : ( باندفاع وحماسه الشباب ) اكيد يا ابا

الاب : طيب هات الكرتونه اللى فيها الكتاكيت دى
سارع الابن باحضار الكرتونه ووقف امام ابيه

الاب : اقلب الكرتونه على الارض وورينى ازاى هتقدر تلم فيها الكتاكيت

وبسرعه قلب الابن الكرتونه وما ان رفعها حتى انطلقت الكتاكيت
فى ارجاء الغرفه واندفع الابن خلفها يحاول جمعها مره اخرى لكن


هيهات ، وبعد ان ادرك الفشل وقف امام ابيه وقد ارتسمت على
وجهه البلاهه والغباء ولم يوقظه الا صفعه قويه من ابيه

الاب : شوف يا غبى اللى هاوريهولك ده خلاصه 25 سنه فى تربيه الكتاكيت

ثم اخذ الاب الكرتونه بعد ان جمعا فيها الكتاكيت اخذ يهزها بقوه
يمينا ويسارا وسط صراخ متواصل من الكتاكيت ما لبس ان تلاشى


وانقطع نتيجه ما اصابها من اعياء

الاب : الان فقط نقلب الكرتونه
وما ان رفعها الا وشاهد الابن الكتاكيت لا تحرك ساكنا مما
اصابها من اعياء ودوار ثم قام بتعبئتها فى الكرتونه بمنتهى
السهوله واليسر

الاب : الوقت يا ابنى اتعلمت اهم حاجه فى تربيه الكتاكيت وهى
( اتعبهم يريحوك لكن لو ريحتهم هيتعبوك )

لو عرفت مين هو الاب ومين هو الابن ومين هما الكتاكيت ؟ 
   تبقى جدع

 ادخل عشتك وخليها فى سرك
 

 

Chain              Recoil  


الايميل ده وصلني من واحده صديقه واخت غاليه علي جدا مقيمه خارج مصر وهي دايما تتحفني بايملات خطيره فعلا ونظرا لاني منعت اصدقائى من خارج المدونات انهم يعلقوا هنا ويكتفوا بتعليقاتهم بيني وبينهم الا انه لازم اشكرها علي الايميل البديع واتمني يعجبكم ولو عرفتوا تبقوا قابلوني في ليمان طره ان شاء الله

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : اجتماعي, ثقافي, عام | السمات:, ,
أرسل الإدراج  |   دوّن الإدراج  

98 تعليق على “كتاكيت ……..”

  1. محمد حماد قال:
    يوليو 11th, 2007 at 11 يوليو 2007 3:34 ص

    الأخوة الأعزاء

    تعالوا ندون غدا من اجل العالقين على معبر رفح.

    تعالوا نبدأ غدا حملة التضامن مع أخوة لنا في العروبة وفي الدين.

    تعالوا نقول للجميع: خلوا عندكم دم، خلوا عندك وطنية، خلوا عندكم إنسانية.

    تعالوا نصرخ في وجه الجميع كفى هزلا في مواضع الجد..

    تعالوا نقول لهم جميعا: حرام عليكم يا ظلمة..

    تعالوا نقول لهم جميعا: افتحوا المعبر الآن وليس غدا.

  2. قويدر النديم قال:
    يوليو 11th, 2007 at 11 يوليو 2007 5:23 ص

    أختي سندرلا

    أخشى أن يكون الابن الحقيقي يفكر في تسميم الكتاكيت قبل قلب الكرتونة
    في بلادي حتى يهدأ الشعب و يطيع سلطت عليه فرق القتل الجماعي مما أدى الآن إلى الطاعة العمياء

    تحياتي و تقديري

  3. سارة قال:
    يوليو 11th, 2007 at 11 يوليو 2007 7:53 ص

    العزيزة سندريلا

    عارفة المشكلة ايه
    ان الكتاكيت مش بتفوق اساسا
    ودايخة على طول وبتدخل الكرتونة بمزاجها كمان

    بس عشان منظلمش الكتاكيت
    25 سنة تدويخ من الاب كتير
    من الابن بقى هيبقى حرااااااااااااااااام

    تحيااااااااااااااااتى

  4. ابنة الكرك قال:
    يوليو 11th, 2007 at 11 يوليو 2007 9:36 ص

    عزيزتي سندريلا

    جميلة جدا القصة, اعتقد انها تنفع في التدريس في المدرسة وتربية الاطفال ربما هي اسلوب التعامل مع الشعوب ايضا .

    تحياتي لك

  5. ايمن مصطفى قال:
    يوليو 11th, 2007 at 11 يوليو 2007 9:53 ص

    طب اقولك ايه

    انت عارفة ان الكتاكيت بنفسها طالبة مدرب خاص للهز؟؟؟

    يعنى حتى لو الابن بطل هز الكتاكيت عاوزه هز

    ادى ظهرك للكرتونة وقولى جاى

    خلى كلامنا خفيف عليهم……………الكراتين طبعا

  6. دمعة فى زمن الجفاف قال:
    يوليو 11th, 2007 at 11 يوليو 2007 11:26 ص

    سندريلا انتى قصدك تقولى ان الاب دة هو اب مبارك علشان بيعلم ابنه خبرة 25 سنة

    مش كدا ولا ايه

    اما بئة الابن فهو جمال يعنى بتاع جمال مش كتاكيت

    له فى الجمال يركبها ويبركها على الارض وعشان كدا لما بيتعامل مع الكتاكيت ياعينى بيتعبوه لكن على مين البركة فى الاب المبارك ربنا يخليه لابنة الجمال ولكتاكيته المتعبين

    مش دةقصدك برضة يا سندريلا ؟

  7. منال لطفى قال:
    يوليو 11th, 2007 at 11 يوليو 2007 11:47 ص

    الاخت سندريلا*********ولية ندخل العشة الاب مبارك والابن جمال واحنا الكتاكيت وبرضة مش هندخل العشة ادعوكى لزيارة اخر ادراجين لى الكارثة الكبرى وجريمة فى جامعة عين شمس

  8. هبه خطاب قال:
    يوليو 11th, 2007 at 11 يوليو 2007 12:10 م

    سندريلا

    ماهى زينات صدقى كانت بتحط كتاكيت فى القبعة التى كانت تريدها فى الافلام كاتكيته بنى …يبقى بقى هى اشطر من صاحبنا بتاع الكرتونه اللى بيدوخ الكاكتيت فى الكرتونة منذ اكثر من 25 سنة مع ان الكاتكيت دخية منذ اول سنه فى الكرتونة ….

  9. cinderella قال:
    يوليو 11th, 2007 at 11 يوليو 2007 12:46 م

    الاخ قويدر النديم

    ماهي دي الكارثه انه الكتاكيت يا دايخه يا مطحونه يا مسجونه

    انا بقي نقسي تبقي الكتاكيت ديوك كبيره وواعيه علشان تعرف تتعامل مع الاشكال دي

    تقبل تحياتي وتقديري

  10. cinderella قال:
    يوليو 11th, 2007 at 11 يوليو 2007 12:49 م

    العزيزه ساره

    يا ستي انتي بتتكلمي علي 25 سنه طيب دول من سنه 52 اول ناس لموهم في الكرتونه

    ومن بعدها كل واحد بيلاعبهم بطريقته

    اللى يقفل عليهم الكرتونه وميفتحهاش الا علي الاخره

    واللي يجوعهم

    واللى يدوخهم

    والكتاكيت علشان بقالها سنين كده خلاص اتعودت علي ده

    عارفه زى العصفور اللى بنربيه في البيت لو فتحتي له القفص مش هيطير لانه اتعود علي القفص والاكل مجانا والناس بتتفرج عليه

    تحياتي

    وعاوزه بقي اشوف ابداعاتك انتي مكسله ليه؟

    مش انتي يا ساره اللى تتاخر ومش متهيالي انه لسه في امتحانات متتاخريش علينا

    تقبلي تقديري

  11. cinderella قال:
    يوليو 11th, 2007 at 11 يوليو 2007 12:51 م

    ابنه الكرك

    المقصود فعلا هو الجزء الاخير من تعليقك

    تقبلي تحياتي وتقديري لرأيك واهلا بك في كل وقت

  12. cinderella قال:
    يوليو 11th, 2007 at 11 يوليو 2007 12:53 م

    ايمن

    لا المقطع الاخير هو اللى صح

    ( اتعبهم يريحوك لكن لو ريحتهم هيتعبوك )

    الله لا يريحهم لا دنبا ولا اخره

    قول امين

    طبعا قصدي عم فرحات بتاع الكتاكيت اللى علي الناصيه اصله مدوخهم ومجوعهم ومشحتفهم خالص

    تحياتي

    فين الجديد بتاعك؟

  13. cinderella قال:
    يوليو 11th, 2007 at 11 يوليو 2007 12:55 م

    دمعه في زمن الجفاف

    حياتي انا حاجزالك جنبي جناح في سجن ليمان طره

    اهى بيكي في الصالون يا غاليه

    بقي انتي كده تكشفي السر

    انا عموما هاعترف من اول قلم مش هخبي هههههههه

    تحياتي لك ولقلمك الحر

  14. cinderella قال:
    يوليو 11th, 2007 at 11 يوليو 2007 12:57 م

    العزيزه منال لطفي

    انتي اصلا خرجتي من العشه امتي؟وخرجتي ازاي؟

    هازورك حالا مع اني اصلا متابعاكي علي طول

    تحياتي

  15. cinderella قال:
    يوليو 11th, 2007 at 11 يوليو 2007 12:58 م

    صديقتي العزيزه هبه خطاب

    يا ينتي الكتاكيت دايخه من اكتر من 50 سنه من سنه 52 ومحدش راحمها لحد ما اخدت علي الدوخه والسطله اللى هي فيها

    حسبي الله ونعم الوكيل

    تحياتي

  16. أسامة مصطفى قال:
    يوليو 11th, 2007 at 11 يوليو 2007 1:13 م

    إمتنعت عن التعليق على إدراحي الأخير..

    وتتوقعين أن يعلق من يكتب بلا مواربة على إدراج الكتاكيت هذا؟؟

    شئ عجيب يا سندريلا!

    أرجو منك لطفا أن تقرأي ردي على بصمتك في مدونتي

    أما قصتك المطروحة هنا، فهي معبرة بدون أية إيضاحات…

    وهي بالفعل قصة تستأهل الإدراج

    تحياتي

  17. عماد السامرائي قال:
    يوليو 11th, 2007 at 11 يوليو 2007 1:13 م

    ما شاء الله …. كلنا حافظين الدرس .. مع اننا كلنا في غيبوبة ….. على فكرة .. هذه كانت طرفة لدينا … من سنين طويلة في العراق ….. فقط كانت القصة تدور حول مجموعة من الفئران ….. تقبلي تحيتي

  18. cinderella قال:
    يوليو 11th, 2007 at 11 يوليو 2007 1:30 م

    استاذ اسامه

    انا امتنعت لاني لا علم لي ولا ثقافه في هذا الموضوع بمعني

    انه مش لازم اقول اي كلام فارغ علشان ابقي بعلق وانت تروح ترد علي والكلام ده لانه عيب قوي بين ناس مثقفه

    انا بعلق واكتب لما يكون لي رأي معين او هدف عاوزه اقوله

    بس موضوع انك تقول انتي ممتنعه عن التعليق وعاوزه الناس تعلق عندك؟

    معتقدشي انه كلام في محله ومتأكده انه حضرتك متقصدشي المعني اللى ممكن يوصله اللى بيقرأ الكلام ده؟

    ولو حضرتك عاوز تعليق من بتوع والله انت هايل ومفيش زيك

    فانا الحقيقه مش من منهم

    انا بعلق لما يكون لي تعليق ممكن ينفع او حتي يثير حوار

    وانا قولت لحضرتك انك اديتلنا فكره هايله عن الموضوع ووضحت حاجات انا نفسي لا اعرفها

    عموما

    اشكرك علي الزياره والتعليق

    تحياتي وتقديري

    بالنسبه لموضوع الكتاكيت

    طبعا انا لا اقصد بالمره انه الناس لا تعلق ولا تقول مين؟

    انا واخدها مزحه وحضرتك ممكن تشوف التعليقات الردود علشان تتاكد

    احنا هنا بنكتب اللى نحبه وبنعبر عن رأينا بحريه ومفيش معني اننا نخبي او ندارى

    تحياتي

  19. cinderella قال:
    يوليو 11th, 2007 at 11 يوليو 2007 1:31 م

    استاذ عماد السامرائي

    حقا كلنا نعرف الدرس ومن الفئران الي الكتاكيت يا قلبي لا تحزن فكلهم في الكرتونه سواء

    تقبل تحياتي وتقديري

  20. النورس قال:
    يوليو 11th, 2007 at 11 يوليو 2007 2:02 م

    والله الدوخه مقدور عليها يمكن بعدها الكتاكيت تفوق … المصيبه فى الموت …. فماذا يفعل الابن فى كتاكيت ميته؟؟؟

    شكرا

  21. cinderella قال:
    يوليو 11th, 2007 at 11 يوليو 2007 2:05 م

    النورس

    بالعكس ده الموت احسن للكتاكيت في نظر المحظوظ الابن

    علشان يعرف يجيب كتاكيت تانيه يربيها علي ايده هو لانه ممكن كتاكيت ابوه تكون اتعودت علي الهز وممكن تفوق؟

    فالابن يدعو الله وكاشف راسه انه يخلصه من الكتايكيت التعبانه دي وخصوصا انه الاب مص دمها خالص ومعدشي عندها حاجه يتمتع بيها المحظوظ الصغير فيبقي احسن وحتي كمان الكرتونه تفضي شويه

    تقبل تقديري واحترامي

  22. أيمن بركات قال:
    يوليو 11th, 2007 at 11 يوليو 2007 2:09 م

    الفاضلة / سندريلا

    لا أنكر أن الكتاكيت التي تجمعها هذه الكرتونة في قمة الدوخان

    ومنها من يموت اختناقا ، ولكن ألا ترين أن 25 في الكرتونة كانت كفيلة بأن تخلق

    من هذه الكتاكيت ديوكا ودجاجا ، والغريب أن تمر هذه الفترة بمرارتها

    والكتاكيت تظل كما هي لا تتغير

    ليه بس يا سندريلا أيقظتِ غصة ما نسيناها

    لك خالص التقدير

    أدام الله قلمك النابض الحر

  23. cinderella قال:
    يوليو 11th, 2007 at 11 يوليو 2007 2:12 م

    الاخ الكريم ايمن بركات

    طيب ماهو ده المطلوب انه الكتاكيت تصحي وتفوق ولا انت ايه رايك؟

    تحياتيى وتقديري

  24. وائل عزيز قال:
    يوليو 11th, 2007 at 11 يوليو 2007 2:33 م

    لو كنت مكان الابن… وطلب مني لم الكتاكيت بعد اخراجهم من الكرتونة… كنت هاجيب شوية حبوب واحطهم في الكرتونة… واعقد من بعيد اتفرج عليهم وهم بيلعبوا وسعدا جوه الكرتونة وحواليها…

    قلت لكم ابقى ريس وما رضيتوش…

    انتو أحرار يا كتاكيت…

    (بالمناسبة أنا مثلك … أعلق فقط عندما اعتقد أن تعليقي يمكن أن يضيف جديداً… موضوعاتك السابقة جميلة جداً… لدرجة أن تعليقي عليها لن يضيف جديداً.

    بالمناسبة الأخرى أرسل إليك البريد الاكتروني للأستاذة هدى أمين بناء على طلبك وطلب الأستاذة علا الفولي… لاتوفيق ان شاء الله…

    دمت متألقة.

  25. هيثم ابوخليل قال:
    يوليو 11th, 2007 at 11 يوليو 2007 2:39 م

    الأخت الفاضله سندريلا ….. الله ينور موضوع طريف …تحياتي

  26. باسل فلسطين.... قال:
    يوليو 11th, 2007 at 11 يوليو 2007 2:43 م

    الاب اي حاكم عربي

    الابن هو الوريث

    والكتاكيت هم من يرضون ان يكونو كتاكيت في كرتونة…

    سندريلا اشكرك لمرورك بمدونتي وشكرا لتعليقك

    بالنسبة للمقاومة الفلسطينية فمهما بلغت سوف تزعج اسرائيل لكن تحرير فلسطين بحاجة لجيش وبالنسبة للسلاح الذي ظهر في ايدي حماس وفتح في غزة فانا ايضا اتسائل عن مصدره ولماذا لا يوجه لاسرائيل…عموما الدول العربية بتمنع السلاح عن الفلسطينيين خاصة الاردن

    فلسطين يجب ان تكون قضية اسلامية لان المسلمين امة واحدة ومصيرهم واحد والحدود هي حدود مصطنعة يعني فلسطين بالنسبة لمصر مثل الاسكندرية …والاقصى مسجد مرتبط بالعقيدة الاسلامية فهي قضية كل مسلم …اليهود بيعرفوا هاد الكلام جيدا وبيعتبروا كيانهم وطن كل يهودي…

    نحن امة واحدة لكن يفرقنا الحكام

    شكرا لك

    ولا تحرمينا من زياراتك

  27. cinderella قال:
    يوليو 11th, 2007 at 11 يوليو 2007 2:45 م

    د.وائل

    ماهو انت لو بقيت الريس هتخلينا برضه جوه الكرتونه؟

    طيب وبعدين عاوزين منبقاش في كرتونه ويبقي لينا حق نروح كل حته وبعدين نرجع للكرتونه بمزاجنا واحنا شبعانين ومش دايخين

    انا عارفه انه حضرتك صاحب فكر ورأي وعموما تعليقك يسعدنا ويثرينا دايما

    انا هستني الايميل الخاص بالمحاميه دي والاهم مش عارفه هنترجهم انجليزي ولا فرنساوي

    تحياتي

  28. cinderella قال:
    يوليو 11th, 2007 at 11 يوليو 2007 2:47 م

    الاخ هيثم ابو خليل

    حمد لله علي السلامه وعمره مقبوله ان شاء الله

    عقبال الحج باذن الله لك ولينا اجمعين

    تحياتي

  29. cinderella قال:
    يوليو 11th, 2007 at 11 يوليو 2007 2:55 م

    الاخ باسل الفلسطيني

    الموضوع كما وصفت واعتقد كلنا كتاكيت او فئران كما قال الاستاذ عماد السامرائي

    بالنسبه لموضو فلسطينن كان ممكن من لبدايه وقبل ما يبقي للاسرائيل دلوه ومن ايام العصابات الصهيونيه كانت المقاومه هنا هتوقفهم عند حدهم ومكناش بقينا فاللى احنا فيه دلوقتي

    بالنسبه لاننا نسمي القضيه بالاسلاميه فمع احترامي لرأيك وكلامك الا اني مش مقتنعه خالص

    بلاس نحشر الاسلام في كل شئ فاللي بيقتل ويرهب اخوانه يقولك جماعه مش عارفه ايه الاسلاميه مع انه الاسلام اول من قال لا تروع الامنين؟

    عموما القدس زي ما فيها الاقصي فيها كنيسه القيامه ولو قولنا نحرر القدس هتلاقي حمله صليبيه تقولك نحرر كنيسه القيامه من ارهاب المسلمين وطبعا انت عارفه انه ده كان السبب المعلن للحمله الصليبيه القديمه رغم انه الهدف استعماري

    بلاش نحشر الاديان ونقول نحرر فلسطين لانها عربيه واهلها هم اهلنا وناسنا واحنا متربيين علي كده فانت م منا ونحن منكم

    تقبل تحياتي

  30. الم_______________هدي قال:
    يوليو 11th, 2007 at 11 يوليو 2007 2:56 م

    ………………………………………………………………………………………….. ايها المد و نو ن………………..اني ارا كم في الظلا ل البعيد..!!!!!!!!!!!!!

  31. cinderella قال:
    يوليو 11th, 2007 at 11 يوليو 2007 3:00 م

    ام هدي (المهذي سابقا)

    اني اراك في مستشفي المجانيــــــــــــــــــــــــــــــــــــن

  32. دولة الهانم قال:
    يوليو 11th, 2007 at 11 يوليو 2007 3:08 م

    مين صحيح ….. تفتكرى محدش عرف الحل …. شكرااااااااااااااااا

    أنا فقط نزلت البرنامج اللى أرسلت لى عنوان موقعة… و على رأيك طلعت قماش

  33. أبو ثوبان قال:
    يوليو 11th, 2007 at 11 يوليو 2007 3:08 م

    دعيني اليوم أقتحم عليك حرمة المدونة

    على اني لم أزرها الا اليوم

    لا أريد أن أعلن غير ما أجده من نفسي واجبا باعتباره هو الذي كان

    ” معالجة غاية في الدقة و روعة في المعاني”

    أنا معجب بالمدونة

    أرجوك تفضلي بتوقيع حلقة ثالثة من ذكريات حب قديم

    شكرا

  34. cinderella قال:
    يوليو 11th, 2007 at 11 يوليو 2007 3:12 م

    دوله الهانم

    اصلي كما تعلمين عبيطه وساذجه وتلاقيني معرفشي هم مين الله لا يريحهم ابدا

    بالنسبه لموضوعك عيب تقولي شكرا لاني لم افعل شئ ونحن في الهم سواء

    بس جربي الحل التاني هتلاقيه صح واضح انه العيب من عندنا

    انا بفكر افرمت لجهاز بس خايفه

    تحياتي

  35. cinderella قال:
    يوليو 11th, 2007 at 11 يوليو 2007 3:14 م

    عبد الرحمن القادري

    دى مدونتك وانت تشرفها اي وقت ولا اقتحام ولا حاجه

    علي فكره مدونتك حلوه قوي وموضوعك جميل

    تقبل تحياتي

  36. abeer قال:
    يوليو 11th, 2007 at 11 يوليو 2007 6:15 م

    كتاكيت كتاكيت بس نعيش

    بكره نكبر ويطلع لنا ريش

    ويجى ديك منفوش الريش

    يجيب عاليها واطيها

    ويغير كل اللى فيها

    واحنا بهمه نمشى معاه

    وإن فكر يمشى على هواه

    نتلم ونديله على قفاه

    ———————

    تحياتى

    ــــــــــــ

  37. مغترب في بلاد العرب قال:
    يوليو 11th, 2007 at 11 يوليو 2007 6:21 م

    الدرس واضح جدا…..بابا الكبير واحنا الكتاكيت…دايخين على طول وتعبانين…وبيهزوا فينا ليل نهار…..صوصوصو صوصوصو….الكرتونة ديقة ليش….

  38. Ola El-Fouly قال:
    يوليو 11th, 2007 at 11 يوليو 2007 6:31 م

    صديقتى الغاليه سندريلا

    د.وائل ارسل لى ميل الأستاذه هدى و نص رسالتها وان شاء الله انتهى من الرد فى اقرب فرصه وبالنسبه لترجمه الأيات والأحاديث فطبعا هى صعبه لكن اعتقد ان فيه مواقع على النت ممكن تفيدك انا مع الأسف لا اعرفها لكنه مجرد اقتراح ممكن مواقع زى الأستاذ عمر خالد او اسلام اون لين وغيرهم ممكن يساعدوكى فى ترجمه الأيات و ممكن ينشروا الموضوع او يوجهونا للطريقه المناسبه للنشر وعلى كل حال ابدئى ومادام الموضوع لله ان شاء الله ربنا يسهل سلام

    علا الفولى

  39. cinderella قال:
    يوليو 11th, 2007 at 11 يوليو 2007 6:32 م

    العزيزه عبير

    ههههههههههههههههههه

    حلوه قوي

    زي المثل اللي بيقول سيب حبيبك علي هواه لحد ما يجي ديله علي قفاه

    بس بزمتك احنا مش سايبينه كتير قوي كل ده ولسه ديله معرفشي سكه قفاه؟

    ده كرشه واسع قوي بقي

    تحياتي يا مبدعه

  40. cinderella قال:
    يوليو 11th, 2007 at 11 يوليو 2007 6:33 م

    مغترب في بلاد العرب

    صوصو علي قد ما تقدر طول ماحنا في الكرتونه مفيش ايده

    تحياتي

  41. cinderella قال:
    يوليو 11th, 2007 at 11 يوليو 2007 6:37 م

    العزيزه علا الفولي

    انا مش متاخره ولكن زي مانتي عارفه مش هنضيع وقتنا في لا شئ

    يعني لو مقيمه في فرنسا كما قولتي يبقي يترجم فرنسي مش انجليزي وده ليه حله كما قولت لك

    والدكتور وائل تفضل مشكورا وبعتلي نفس الرساله وانا بعت اسأله عن لغه الترجمه لاني مش عاوزه نضيع وقت ومجهود وفي الاخر بلا فائده

    الموضوع مش هيبقي ليه لزوم لو نزلناه في مدوناتنا؟

    لانه في الاخر احنا بس اللى هنشوفه

    لكن رأي ومن البدايه هو

    1- نبعت ردك كما هو للمحاميه وبالعربي عادي لانه هيكون لها شخصيا

    2- نبعت الرد مترجم بلغه البلد اللى فيه نوال السعداوي كنوع من الرد علي مقالاتها في هذه البلد وحتي لا يتعاطف معها الرأي العام هناك ويعرفوا الوجه الاخر للحقيقه.

    تحياتي

  42. Ola El-Fouly قال:
    يوليو 11th, 2007 at 11 يوليو 2007 6:39 م

    صديقتى الغاليه سندريلا

    الكتاكيت تعبوا اوى يا صديقتى من كتر الجرى ورا لقمه العيش والعذاب فى المواصلات والتعليم والبطاله والفساد بيمرجح الكرتونه لما قربيت الكرتونه تتخرم والكتاكيت يموتوا من الغيظ والتعب ويمكن من الجوع ربنا يرحمنا برحمته اما الفزوره فسأتركها لفراسه قارئ اخر لك تحياتى

    علا الفولى

  43. طارق محمد على قال:
    يوليو 11th, 2007 at 11 يوليو 2007 7:19 م

    سندريلا

    تحياتى الخالصه للكتكوته الفصيحة اللى ارسلت هذا الموضوع الرائع كما ارسل تحياتى لجميع الكاكتيت فى مصر و وعلشان الاخوة العرب ما يزعلوش فانا ابشرهم قربيا بانهم سوف يصبحون كاكتيت بس احنا الخبرة برضه …

    وربنا يستر علينا من اعين التعلب الكبير والصغير ……

    الافوكاتو المصرى

  44. أسامة مصطفى قال:
    يوليو 11th, 2007 at 11 يوليو 2007 7:24 م

    الأخت سندريلا

    يبدو أن هناك سوء فهم بخصوص التعليق الذي وضعته

    فأنا لم أقصد سوى الدعابة من ورائه

    يبدو أنني بالفعل أسأت اختيار الكلمات وخانني التعبير، فمعذرة، لم يكن غرضي حتما ما فهمته..

    آسف لهذا الخطأ الغير مقصود

    تحياتي

  45. نانى المصرى قال:
    يوليو 11th, 2007 at 11 يوليو 2007 7:31 م

    اختى العزيزة ..سندريلا

    اعزرينى فى تاخرى فى العليق على موضوعاتك ..وهذا الادراج يعتبر ادراج وطنى خالص وكان نفسى نعمل اى حاجة للكاكتيت دى .بس الظاهر انهم بقوا مدمنين للدوخه ..

  46. cinderella قال:
    يوليو 11th, 2007 at 11 يوليو 2007 8:00 م

    الصديقه علا الفولي

    طيب مش ان الاوان للكتاكيت دي انها تكبر وتقاوم ولا حتي جتتها تنحس وتبطل تدوخ وتفوق لروحها

    هقولك ايه بس

    انا كمان سايبه الموضوع لفراسه القارئ هههههههه

    انا مستنيه ردك انتي ودكتور وائل علشان نخطط هنعمل ايه

    تحياتي صديقتي العزيزه

  47. cinderella قال:
    يوليو 11th, 2007 at 11 يوليو 2007 8:01 م

    طارق

    هههههههههههههههههههههه

    حكايه التعلب الكبير والذئب الصغير دي ملعوبه والله

    بس يا صديقي العزيز احنا كلنا ما بين كتاكيت او فئران علي رأي الاستاذ عماد السامرائ

    لانه كله عند العرب صابون

    تحياتي يا افوكاتوا يا هايل

  48. cinderella قال:
    يوليو 11th, 2007 at 11 يوليو 2007 8:03 م

    الاخ اسامه

    لا داعي ابدا للاسف لانك اكبر من كده

    انا كنت متأكده انه ده مش قصدك لانه ثقافتك وعقليتك بتقول كده بس الموضوع كما تفضلت وقولت سؤ تعبير او بمعني اصح نظرا لاننا لا نعرف بعض التهريج من الجد مبيبقاش واضح

    تقبل تقديري واحترامي

  49. cinderella قال:
    يوليو 11th, 2007 at 11 يوليو 2007 8:04 م

    العزيزه ناني

    اتمني انه اللي يشغلك عنا يكون كل خير

    وبعدين ومين مش عاوز يعمل حاجه للكتاكيت وخصوصا لما نبقي منهم وفي الهم سواء

    تحياتي ولا تغيبي علينا بتوحشينا

  50. عماد قال:
    يوليو 11th, 2007 at 11 يوليو 2007 8:05 م

    الهيلة سندرييلا

    ايه الابداع ده

    تريحهم يتعبوك تتعبهم يريحوك

    فكرتنى بابليس اللعين لما واحدة ست عجوزة وقفت على شط البحر فقابلها ابليس وقالها انت عايزة ايه قالت له انا عايزة اعدى البحر فلما راها ابليس اللعين عجوزة قال احملها على كتفى وشق بها الماء فلما وصلت الى نصف البحر تبولت عليه فقال لها لماذا قلت له الستات يابنى كده تتعبهم يريحوك وتريحهم يتعبوك 0

    اما حكايتك دى ممكن نقول الكتاكيت تعبوا وخلاص على وشك الانفجار ومعدوش لاقيين اكل هييجى الوريث بتاع سيدنا يحبسهم هوة كمان متهيا لى عمر سليمان هو اللى هيحبس الكتاكيت المرة الجاية 0

    تحياتى ومعدتيش تتكلمى فى السياسة علشان خللى السياسة للاستاذ سيد مختار لانه بايع القضية اما انت فرقيقة ولا تتحملى قرف الليمان واسالينى انا على الليمان واللى فيه

    تحياتى لك ياهايلة ياسندريلا مصر

    مصرى

  51. cinderella قال:
    يوليو 11th, 2007 at 11 يوليو 2007 8:16 م

    الصديق عماد

    والله انت اللي هايل ومبدع

    خلاص بقي انا هتغر بروحي ومحدش هيعرف يكلمني ماهو عماد رايح جاي مع الاسماعيليه يقولي يا هايله .

    يا سيدي لا ابداع ولا حاجه دي قص ولزق من ايميل لصديقتي ولا اضفتش حتي كلمه واحده

    بس الموضوع والقصه بصراحه كانوا رائعين فحبيت اشركوا فيه

    بالنسبه للابليس والله الاب وابنه العن منه ولهم افكار اشر منه وقانا الله شرنا وسقانا من اعمالهم

    وبعدين بقي انت دوختني يا عماد

    اكتب في مواضيع تانيه تقولي ركزي علي السياسه !!! اكتب في السياسه تقولي ابعدي عن التعابين سكتها وحشه!!!!!!!! طيب اروح فين؟هاقطع نفسي بقي

    وبعدين هو انت تعرف ليمان منين؟

    يالا اعترف بسرعه

    تحياتي وتقديري

  52. cinderella قال:
    يوليو 11th, 2007 at 11 يوليو 2007 8:18 م

    عماد بقول

    وقانا الله شرهم وسقاهم من اعمالهم

    لزوم التصحيح

  53. meriem ld قال:
    يوليو 11th, 2007 at 11 يوليو 2007 8:23 م

    تحية اسلامية عطرة لك حبيبتي cindrella

    أولا اشكرك على شعورك النبيل و كلماتك الطيبة و انا معكم على طول ان شاء الله

    انت كلك ذوق و رقة و ما شاء الله عليك و على ابداعاتك و عندك حق لما قلتي (حقا كلنا نعرف الدرس ومن الفئران الي الكتاكيت يا قلبي لا تحزن فكلهم في الكرتونه سواء )

    نسال الله الرحمة و اليسر

    تحياتي و مودتي

    اختك مريم

  54. cinderella قال:
    يوليو 11th, 2007 at 11 يوليو 2007 8:43 م

    حبيبتي مريم

    انتي فينك وحشتيني قوي

    لا بجد زعلانه ليكي مده من غير حس ولا خبر ولا تعليق جديد

    ده كلام ده؟

    لا متتأخريش وبكره اشوفلك موضوع جديد ماهو لما انتي واللى زيك يكسلوا مين هيكتب؟

    بتوحشينا يا بنوته

    تحياتي وقبلاتي

  55. طارق محمد على قال:
    يوليو 11th, 2007 at 11 يوليو 2007 8:47 م

    سندريلا

    نصحية منى بلاش سياسة الكاكتيت دى لان نهايتها معتقل وانا بصراحة مابحبش احضر فى القضايا دى لان كلها خسرانه وانا موش بحب اخسر قضايا خاصة اللى ضد الدولة

    ولاننى لو ترافعت فى هذه القضايا فان مصيرى سيكون معروف ………………..÷ومن الافضل ان نكتب عن الفن والفنانين والكرة الحاجات دى بيحبها اخونا كبار الكاكتيت

  56. هبه خطاب قال:
    يوليو 11th, 2007 at 11 يوليو 2007 9:14 م

    الغالية ..سندريلا

    مررت للسلام والسؤال على صحة الكاكتيت يا ترى هم بخير …يا سلام لو الواحد يجيب شوية كاكتيت ويعمل معهم التجربة دى …

  57. الم__________هدي قال:
    يوليو 11th, 2007 at 11 يوليو 2007 9:51 م

    ………………………..من انكر المهدي فقد كفر….. ومن عصى المهدي عصى الله ….ومن اذى المهدي با رز الله با لمحا ربة ..

    والسؤا ل الملح:: لما دا تفضلون الرسول محمد ..عن الرسول المهدي .. اليس المهدي با عظم الرسول واحب عند الله واعز وفضله الله عن جميع الرسل.

    هدا سؤال:

    من لم يجب عليه اليوم***سوف يجيب عليه في قبره في اول يوم

  58. cinderella قال:
    يوليو 11th, 2007 at 11 يوليو 2007 9:57 م

    بقي كده يا طارق

    مكنش العشم وانا اللى كنت فاكراك هتدافع عني وتلم المدونين وتعمل مظاهره وتقول الكتكوته لازم تنزل هههههههههههه

    ماشي يا عم بس انا عموما مش بتكلم في السياسه وعلي فكره مش خوف والله

    بس مش بحب اتكلم في مواضيع ملهاش حل وملهاش اخر

    يعني اللى مموتين روحهم وعاملين بتوع قضيه الوطن بيعملوا ايه؟

    ولا تعالوا نتلم ونورح مش عارفه فين؟

    لا هو هيروح ولا حد هيروح وكله كلام في الهجايص علشان يهل علينا بطلعته البهيه ويبقي في الاكثر تعليقا ليس الا!!!!!!!!

    لانه اللى عنده قضيه يا طارق ميدورش زى الدلاله علي المدونات ويقول تعالوا نصرخ ونلطم ده كلام فارغ وعيب علي الناس الكبار تعمل كده

    عموما يا سيدي وقانا الله شر السياسه واللى عاملين روحهم بتوع سياسه

    انا عندي قضيه اهم وهي الانسان وازاى يكبر وينجح وننمي مواهبنا وربنا يقدرني ويقدركوا عليها لانها القضيه الاصعب

    تقبل تحياتي وتقديري يا اخي العزيز

  59. cinderella قال:
    يوليو 11th, 2007 at 11 يوليو 2007 10:01 م

    حببتي هبه

    ماكنتش اعرف انه عندك ميول عدوانيه كده؟

    ليه يا بنتي دانتي بنت ناس ورقيقه حتي انتي عاوزه تعزبي الكتاكيت؟

    طيب عندي اقتراح

    خدي ام هدي (المهذي سابقا) وهزيه

    اعتقد ده ممكن يعقله

    تحياتي يا غاليه

  60. cinderella قال:
    يوليو 11th, 2007 at 11 يوليو 2007 10:02 م

    ام هدي (المهذي سابقا)

    بقي انت افضل من النبي محمد عليه افضل الصلاه والسلام؟

    عموما ليس علي المجنون حرج

    وبكره ان شاء الله لما تندلق وتموت غير مأسوف علي امثالك من الضايعين والمختلين هتعرف الاجابه كويس في قبرك يا اقرع

    يالا من العباسيه والي العباسيه تعود هههههههه

  61. وجه حقيقي قال:
    يوليو 11th, 2007 at 11 يوليو 2007 10:10 م

    سندريلا

    في الحقيقة ماليش في الفوازير ولا الكتاكيت أصل أنا كنت علمي رياضة……..

    لكن لو تديني أعداد الكتاكيت وأسماؤهم واعمارهم أعمل لك بيان محصلش..

    بالمناسبة مالمحتيش أي كتكوت احتمال يبقي ديك لسة فايق؟؟؟؟؟ جايز

    دمت بخير بعيدا عن الفوازير وياريت لو عرفت الحل تقولي لي

    تحياتي وتقديري

  62. وفاء النجار ( أم إبراهيم ) قال:
    يوليو 11th, 2007 at 11 يوليو 2007 10:11 م

    حياك الله أخيتي سندريلا .

    و ماذا أوقل غير الله المستعان ….. الله المستعان .

  63. cinderella قال:
    يوليو 11th, 2007 at 11 يوليو 2007 10:18 م

    True Face

    مكنش العشم

    وانا اللى كنت معتمده عليك تنورني

    علي العموم هو عم سيد بتاع الكتاكيت اللى علي الناصيه هو انت كنت فاكر حاجه غير كده؟

    اوعي تطلع لئيم ومخك يروح لبعيد

    مش عاوزين اشاعات

    تحياتي

  64. cinderella قال:
    يوليو 11th, 2007 at 11 يوليو 2007 10:20 م

    ام ابراهيم

    حياك الله وابقاكي

    فعلا الله المستعان من قبل ومن بعد

    تحياتي

  65. أيمن بركات قال:
    يوليو 12th, 2007 at 12 يوليو 2007 2:44 ص

    الفاضلة / سندريلا

    يبدو أن سؤالي فهم على غير ما أقصد

    سؤال استنكاري بمعني كيف يتحمل الكتكوت أن يعيش في الكرتونة كل هذه المدة

    ولم يتغير خصوصا من المفترض نضوجه مع مرور الزمن

    وإلى متى سيظل قابعا يتلاعب به الأب أو ابنه

    لك كل الود والتقدير

  66. الر يــــــــــــــان قال:
    يوليو 12th, 2007 at 12 يوليو 2007 4:48 ص

    الأخت سندريلا

    غباء الابن واضح……

    الآبن لو قال للكتاكيت ..ادخلوا يا كتاكتت الكرتونة ….سيدخلون بصمت الذليل ..اصلهم متعودين ومروضين….

    والكتكوت المعاند والرافض مهدد باقتلاع رأسه ….

    تحيتي

  67. وطني ينزف حبا قال:
    يوليو 12th, 2007 at 12 يوليو 2007 5:56 ص

    على فكر كلنا كتاكيت ……..عمرنا ما راح ناخد دور المربي المتسلط الي بيستخدم هادي الطريقة ………ليش؟

    لانو احنا بنحب واقعنا وما بنحب نغيره …….”بيني وبينك ……ما بنعرف …..بنخاف”

    تحياتي

  68. انـتـصـار عـبـد المـنعـم قال:
    يوليو 12th, 2007 at 12 يوليو 2007 8:07 ص

    سندريلا

    نفسي أسأل سؤال

    طيب

    لو رضينا أننا ندوخ

    ويغمى علينا في الكرتونة

    كيف نضمن أنهم لن يعطونا جرعة انفلونزا الطيور ويقضوا علينا نهائيا

    لك كل تحية

  69. Ola El-Fouly قال:
    يوليو 12th, 2007 at 12 يوليو 2007 9:27 ص

    صديقتى الغاليه سندريلا

    اعتقد ان الترجمه الأنجليزيه افضل من الفرنسيه لان ثقافه غالبيه الناس فى الوقت الحالى هى الأنجليزيه حتى لو د.نوال فى فرنسا او امريكا مش مهم لان الموضوع لو اتنشر على النت سيصل اليها باى لغه ثم ان الأهم منها شخصيا انه يصل للمسلمين الجدد فى اوربا و المسلمين الذين لا يعلمون كيف يردوا على هذه المزاعم وده اهم من قراءتها له بكثير اتمنى لك التوفيق

    علا الفولى

  70. وجه حقيقي قال:
    يوليو 12th, 2007 at 12 يوليو 2007 11:59 ص

    أنا كنت متأكد أنه عم سيد بس كنت خايف !!!!!!

  71. هيفاء فويتي قال:
    يوليو 12th, 2007 at 12 يوليو 2007 12:39 م

    أخوتي :

    أعاني من اختفاء وجود خانة التعليق في ادراجي الجديد تضمناً مع العالقين على معبر رفح…( على أعتاب الوطن )

    أناشدكم وأناشد ادارة مكتوب أن تجد لي حلاً ..

    سأعود سندريلا

  72. هيفاء فويتي قال:
    يوليو 12th, 2007 at 12 يوليو 2007 1:01 م

    أنا عاوزة الكتاكيت بعد ماعرفت سر الأب ..

    أنها تصير ديوك بحق وحقيق.. ولا تسمح لأحد بهزها لحد التعب…

    رائعة سندريلا ..

  73. حنظله قال:
    يوليو 12th, 2007 at 12 يوليو 2007 3:59 م

    رسالتك وصلت، واعتقد بأني فككت رموزها.

    هذا هو حالنا في كل دولنا العربيه، بنظر “الاب” نحن مجموعة من الصيصان “الكتاكيت” يجب ان نبقى دائماً نلف حول انفسنا “وندوخ السبع دوخات” وراء لقمة العيش، القليل القليل مما يسد الرمق، حتى يرتاح “الاب” الذي لا يملك الرحمة لابناء شعبه، يستمتع باذلالهم، يستقوي بضعفهم، يفرح لقهرهم، اضطهادم، عبوديتهم.

    نحن امة كتلك “الكتاكيت” دوخونا ليرتاحوا ويناموا ليلهم الطويل، بلا مسؤولية، وبلا ضمير، لكن ذلك مهما طال سينتهي.

    تحياتي لك

  74. cinderella قال:
    يوليو 12th, 2007 at 12 يوليو 2007 6:47 م

    العزيز ايمن بركات

    مانا فهمت قصدك وبقولك المفروض كده

    يعني فعلا كفايه قوي كل السنين دي علشان ينضجوا ويفوقوا ويبقوا ديوك ويطالبوا بحقهم

    ومستغبربه معاك انه ازاي السكوت والموت ده

    اتمني تكون غفوه ما قبل الثوره والمطالبه بالحقوق

    تقبل احترامي وتقديري

  75. cinderella قال:
    يوليو 12th, 2007 at 12 يوليو 2007 6:49 م

    الاخ الريان

    والله عندك حق دي الكتاكيت مساااااااااااااااااالمه وميته علي روحها اصلا ولا محتجاش اي هز

    والله لخصت المشكله

    جزاك الله خير

    تحياتي

  76. cinderella قال:
    يوليو 12th, 2007 at 12 يوليو 2007 6:50 م

    الاخت هدايه

    ايوه بنخاف وميتين من الخوف

    وطالما لعمر واحد وكده كده هنموت بزمتك مش نموت بكرامتنا احسن حتي علي الاقل نبقي محترمين نفسنا بدل ما نموت في جلدنا ومن الخوف فقط

    تحياتي لك ولقلمك الحر

  77. cinderella قال:
    يوليو 12th, 2007 at 12 يوليو 2007 6:52 م

    الاخت انتصار عبد المنعم

    كمان عاوزاهم يدونا المصل؟

    يا ستي كان من باب اولي يدونا مصل ضد الجفاف والجوع وجيمع الامراض اللي بقيت مستوطنه في الكتاكيت ومبقاش ليهم اي حد يسعفهم و ليهم اي ديه ولا قيمه

    فكرك الكتاكيت ناقصه مصل

    ماهم مطعمين من زمان بمصل الخوف والهوان

    تحياتي وتقديري

  78. cinderella قال:
    يوليو 12th, 2007 at 12 يوليو 2007 6:59 م

    صديقتي الغاليه علا الفولي

    خلاص انا فهمت دلوقتي المشكله فين

    حبيبتي انتي اصلا فهمتيني غلط

    انا بقول نترجم المقال علشان نبعته لنوال السعداوي في الحته اللى هي فيها علشان يبقي الرد علي الملأ ومتجيش تاني تقول انها مضطهده والكلام الفارغ ده

    ونرد علي المحاميه وانا الحقيقه مكنتش عارفه انها مقيمه هنا او مكنتش واخده بالي

    بمعني

    انا مش يهمني خالص ننزلها في المدونات لانه محدش هيقراها غيرنا ودى لا هتفرق فيها لغه ولا غيره

    مانتي منزلاها عندك في مدونتك

    كام واحد قراها ولا اهتم بيها؟

    عدد قليل ولذلك انا لا يهمني ابدا المدونات

    انا سبق وقولت لك اننا نترجمها بلغه البلد اللى هي فيها ونرسلها لمجله في البلد دي ولما انتي قولتي انها في فرنسا محبتش نضيع وقت وقولت لك نترجمها فرنسي ونبعتها لمجله لو فيجارو او جريده لو فرانس توجور او لو موند او غيرهم

    لانه الهدف انه المكان اللى هتتواجد فيه الدكتوره هو اللى هنرد فيه علشان نرد بوجه نظر الاسلام ومنسبهاش تخرف والناس حواليها يتعاطفوا معاها؟

    ارجو تكوني فهمتي مقصدي انه الغرض مش المدونات ابدا وبعدين انتي بعتي ردك للمحاميه هدي امين ولا لسه؟

    دي مش محتاجه ترجمه يالا شدي عزمك وانا والله لا متاخره ولا مكسله لاني اصلا انا اللى اقترحت وعرضت عليكي الفكره لاني بعرف اسوق لافكاري ده شغلي يا علا

    انا عاوزه نسوق للفكر المضاد للدكتوره نوال يبقي لازم يكون في المكان اللى هي موجوده فيه وبلغته لانه مش كل الفرنسيين بيتكلموا انجليزي زي مش كل الامريكان بيفهموا فرنسي

    ارجو ان يكون قصدي وضح وبرضه انا معاكي في كل خطوه تحبي تروحيها

    تحياتي وتقديري

  79. cinderella قال:
    يوليو 12th, 2007 at 12 يوليو 2007 7:01 م

    True Face

    خايف ومن عم سيد؟

    يا راجل ده طيب وبيموت في الكتاكيت اللي زيك

    تحياتي

  80. cinderella قال:
    يوليو 12th, 2007 at 12 يوليو 2007 7:03 م

    الفراشه الرقيقه هيفاء الفويتي

    طيب وانا كمان نفسي يبقوا ديوك ولا حتي فراخ كبيره تنقره نقره تجيب اجله وتريحنا بقي لحسن جالنا ارتجاج دماغي من الهز

    بالنسبه للمدون انا هبعتلك رساله باسمك لمكتوب

    ربنا يحلها قريب جدا

    تحياتي

  81. cinderella قال:
    يوليو 12th, 2007 at 12 يوليو 2007 7:05 م

    حنظله

    اهنيكي فقد وصلتي للحل صح قوي

    ربنا يرحمنا منهم بقي عن قريب ويفرج عنا من معتقل الكرتونه

    بس فكرك الكتاكيت كبرت كفايه علشان تقف في وشهم ولا الغلب والجوع مفتت عظامها

    تحياتي

  82. حضرموت اليوم قال:
    يوليو 12th, 2007 at 12 يوليو 2007 7:38 م

    السلام عليكم ورحمة الله وبركاته

    من دواعى سرورنا ان نتشرف بتسجيل حضورنا فى هذا الصرح الطيب مع تمنياتنا بدوام الابداع والتميز ..

    اخوتكم فى حضرموت اليوم http://hadramut.maktoobblog.com

    وكم يسرنا تشريفكم لنا بالملاحظات :

    http://hadramut.maktoobblog.com

    المكلا تجذب الاستثمارات السياحية.. وحضرموت مدينة المشاريع المستقبلية

    http://hadramut.maktoobblog.com/?cat=18290

    او المشاركات بالمواضيع التالية:

    نيويورك تايمز : اليمن أفضل وجهة سياحية للعام 2007م

    http://hadramut.maktoobblog.com/?post=370460

    مجموعة فردوس عدن الاستثمارية تنفذ اكبرمشروع سياحي عملاق في عدن بملياري دولار

    http://hadramut.maktoobblog.com/?post=301523

    اليمن تتجه لإنشاء 10 موانئ بـ 50 مليون دولار

    http://hadramut.maktoobblog.com/?post=337113

    داعية سعودي يناشد بالزواج من العاملات في مجال الصحة وسترهن

    http://hadramut.maktoobblog.com/?post=396686

    آخر خبر :زوجة أمريكية تجيد التيكواندو تقتل زوجها اليمني بالضربة القاضية

    http://hadramut.maktoobblog.com/?post=372864

    آخر خبر : أزواج يحققون الرقم القياسي في التقبيل

    http://hadramut.maktoobblog.com/?post=370400

    تزويج فتاة يمنية إلى شخصين خلال 6 ساعات بسبب (حق الفتشة)

    http://hadramut.maktoobblog.com/?post=368964

    اليمنيون: يدخنون 6 مليارات سيجارة سنويا وينفقون 21 مليار ريال

    http://hadramut.maktoobblog.com/?post=362293

    شخص يعرض زوجته للبيع بـ50 دولار فقط

    http://hadramut.maktoobblog.com/?post=355981

    قطة تكشف جريمة قتل مسن يمنى قبل إخفاء جثته

    http://hadramut.maktoobblog.com/?post=354303

    طلاق بعد 5 دقائق … الشيخ الدكتور سلمان العودة يحذرالفتيات السعوديات من زواج الانترنت

    http://hadramut.maktoobblog.com/?post=337097

    يمني أراد إثبات فحولته بـ 3 حبات فياجرا ففارق الحياة

    http://hadramut.maktoobblog.com/?post=337153

    صاحب فتوى “إرضاع زميل العمل” يتراجع عنها ويعتذر للجمهور

    http://hadramut.maktoobblog.com/?post=337039

    أهالي العاصمة الدنماركية والسائحين يفاجئون بإرتداء(حورية الدنمارك) الزى الإسلامي

    http://hadramut.maktoobblog.com/?post=335779

    سعاد صالح تفتي رغم أنف الداعين لإهدار دمها: ترقيع غشاء البكارة حلال… ومن حق المرأة تولي القضاء

    http://hadramut.maktoobblog.com/?post=330375

    إمرأة تلد طفلها أثناء تنفيذ حكم الإعدام فيها!!

    http://hadramut.maktoobblog.com/?post=330336

    بن لادن وعمرو خالد وخامنئي من اكثر الشخصيات نفوذا في العالم

    http://hadramut.maktoobblog.com/?post=329300

  83. meriem ld قال:
    يوليو 12th, 2007 at 12 يوليو 2007 8:29 م

    تحية طيبة اعطرها لك بأسمى ما في الوجود حبيبتي ساندريلا

    و الله كلماتك الرقيقة و الطيبة تصل مباشرة الى قلبي

    أشكرك كثيرا

    بارك الله فيك و يارب تكوني دائما هكذا متألقة.

    انا لبيت نداك و اتيت بموضوع جديد اتمنى ان يكون بالمستوى الذي تتوقعينه _ يا رب_

    __________

    يالله تعالي معي مع آخر صيحات الموضة و لكم وجهة نظر

    دمت دائما مميزة

    جزاك الله كل الخير و جعلك من اهل الفردوس

    ________ مودتي

  84. Nassira-nounou arabe قال:
    يوليو 12th, 2007 at 12 يوليو 2007 8:38 م

    مساكين الكتاكيت الذين يرمزون إلى رعية في قبضة راع مكار نسي أن الكتاكين حين ستمل ستستطيع التضحية بأي شيء حتى نفسها لأجل تغيير الوضع

    على مدونتي جديد مرفوق بصورة إبنتي تفضلي إن شئت للقراءة

  85. cinderella قال:
    يوليو 12th, 2007 at 12 يوليو 2007 9:50 م

    العزيزه مريم

    يا ستي انا مش قد كلامك الرقيق ده خالص

    دانتي اللى كلك زوق وادب وعلشان كده بتشوفي كل حاجه حلوه زيك

    طبعا انا مش ممكن اتأخر علي جديدك لانك وحشاني مووووووووووووووت

    تحياتي وجيالك حالا

  86. cinderella قال:
    يوليو 13th, 2007 at 13 يوليو 2007 12:05 ص

    نونو العربي

    مقالك جميل قوي وفعلا صح

    تحياتي

  87. وفاء الشلتوني قال:
    يوليو 13th, 2007 at 13 يوليو 2007 12:27 ص

    اسلوبك جميل والى الامام يا سندريلا العرب

  88. علاء عيسى قال:
    يوليو 13th, 2007 at 13 يوليو 2007 2:28 ص

    طالما سنديرلا

    يبقى يسلم فمك

    أسلوبك مميز

  89. cinderella قال:
    يوليو 14th, 2007 at 14 يوليو 2007 2:03 م

    وفاء الشلتوني

    اهلا بيكي وبرأيك دائما

    تحياتي

  90. cinderella قال:
    يوليو 14th, 2007 at 14 يوليو 2007 2:06 م

    علاء عيسي

    اهلا بيك وربنا لا يحرمنا زياراتك

    تحياتي

  91. محمد غيث قال:
    يوليو 14th, 2007 at 14 يوليو 2007 10:13 م

    سيدتي سندريلا :

    لن أجيب على السؤال لأنه جاوب عليه الكثير… إن شاء الله واحد من الكتاكيت المتنيلة بستمية نيلة يكبر و يبقى ديك و يريحنا من الأب الخبيث و إبنه الغبي….

    فائق الإحترام .

  92. مها قال:
    يوليو 16th, 2007 at 16 يوليو 2007 7:05 ص

    بسم الله الرحمن الرحيم

    السلام عليكم ورحمة الله وبركاته

    يمكن زمان كنت فاهمة إنه أحسن لو بهدي الكتاكيت لو قلتلهم: (كتكت كتاكيتو كتكوتي اسم الله عليك يا زغنتوتي) بس للأسف بعد فوات الأوان( ولادي كبروا) اتعلمت كيف أخليهم يهدوا بالخض… يمكن كلنا كتاكيت بس في كتاكيت ما بيأثر فيهم الخض علشان هيك لسة البابات تعبانين مع الكتاكيت….ويمكن هؤلاء الكتاكيت المتعبين اتربوا في مزرعة ثانية….

    جزاك الله خيرا أختي تعبير رائع

    وصلى الله على سيدنا محمد وعلى آله وصحبه وسلم تسليما كثيرا

  93. لما ماضي قال:
    يوليو 16th, 2007 at 16 يوليو 2007 11:43 ص

    الجميله سندريلا

    ياحلاتا يامشاالله العبي بالنار ونحن نحترق وياك والله

    همنا همك وحتى دمنا دمك

    والكتاكيت الجومال يوم بتصحى ياجمال

    تكبر وتبقى ديوك ويعلا صوتها -كاكي بيتك كاكي بيتك

    بيتك بيتك

  94. hasan masri قال:
    يوليو 17th, 2007 at 17 يوليو 2007 6:34 ص

    سلامي لك : مع ان اسم سندريلا يشعرنا بالبراءة و الطفولة الحالمة الا أنك تتمتعين بصفات القوة و الحرية و الفكر و العنفوان .. لا أحب المديح كثيرا لكن اعجبني جدا كلام الاستاذ أيمن بركات حين قال : ” ألا ترين أن 25 في الكرتونة كانت كفيلة بأن تخلق

    من هذه الكتاكيت ديوكا ودجاجا ، والغريب أن تمر هذه الفترة بمرارتها

    والكتاكيت تظل كما هي لا تتغير

    ليه بس يا سندريلا أيقظتِ غصة ما نسيناها” .

    آه آه… اعتقد باننا مقصرين ليس فقط في حق امتنا و بلدنا بل و مقصرين ايضا في حق انفسنا .. فنحن للاسف لم نكبر بعد و لم نستفد من عمرنا الا بالقليل القليل و لا من طاقاتنا التي وهبها الله لنا الا ما ندر … فآه آه مرة ثانية و ثالثة …

    اشكرك على تعليقك في مدونتي راجيا لك كل التوفيق .. مع الاحترام : حسن

  95. Roro قال:
    يوليو 30th, 2007 at 30 يوليو 2007 7:12 ص

    اتعبهم يريحوك لكن لو ريحتهم هيتعبوك …….

    حقيقي ….

    للأسف …

    تعودنا على ما لا نرغب … و ما نرغبه بات من الأمنيات …

    سلام سندريلا …

    شكراً لك على هذه القصة و نتمنى أن تبقى قصة …

    تحياتي لك و بالتوفيق …

    سلام …

    رؤى

  96. العاشقة الحـــــ أسماء ـــــزيـــنـة قال:
    يونيو 13th, 2008 at 13 يونيو 2008 10:50 م

    مساء معطر بذكر الله اليكِ أختي العزيزة ها أنا أعود اليك من جديد ومن خلالك

    شكري للوردة البيضاء كبير

    بجد انتي حلوه دمك حفيفه وقريبه للقلب وموضوع الكتاكيت فكرني بشخص

    معروف عندنا الناس بتقعد تحكي عليه ويعلقو على بعض حركاته فيقول واحد

    منهم هو ليش بيحط ايديه في بعض لما بيشوف حد ويفضل يهز فيهم بقوة قام

    واحد قاله انت مش عارف ليش ياغبي ماهو مابيقولك انت هنا بين يديها لو أفرج

    عنك تبقى دايخ ومش عارف رأسك من رجليك وتبقى مش عارف تعترض ولا تغير

    شي من المفروض عليك

    أفكتر وصلتك الملعومة صح

  97. العاشقة الحـــــ أسماء ـــــزيـــنـة قال:
    يونيو 13th, 2008 at 13 يونيو 2008 10:51 م

    آه افتكرت شي والله انتي بتفكريني بصديقه عزيزة من مصر

    أسمها انجي اللواء عندها افكار شبه افكارك بس والله لي زمان ماحكيت معها

    وانقطعت اخبارها عني بجد بتفكريني فيها كثيرا

    الله يحميك ويدوم الود والتواصل ياعسل

  98. العاشقة الحـــــ أسماء ـــــزيـــنـة قال:
    يونيو 13th, 2008 at 13 يونيو 2008 10:55 م

    سندريلا بالنسبة لموضوع البوس ماعرفت اكتبلك تعليف فيه اقبلي هنا

    والله ضحكت كثيرا افتكرت مره كنت اشترت جريده تونسية وكان في تحقيق

    على موضوع البوس والرضاعه لما رحت اقرءه للبنات معي بالشغل وحده منهم

    ضربتني على رأسي بالحقيبه بتاعها وقالت روحي بلاش كلام فاضي طبعا

    أنا ضد هالفكره وتافه جدا زي ماقلتي بس حبيت اضحكهم شوي واغير الجو

    بس اكلت على راسي الحمد الله أجت سليمه

    دمتي بخير ومحبه وسلامه والله لطيفه ومهضومة تدخلي القلب

« ارجوك…… اسمعني
لا تحزن …… »