المدونة التالية
كافة المدونات

عاوزة اتجوز…..

كتبهاcinderella ، في 21 مارس 2008 الساعة: 12:07 م

 مقتطفات من يوميات وحدة عايزة تتجوز

البت نهى اتخطبت….عااااااااااااااااا

لقد…نزل…علينا…الخبر….كالصااااااااااااعقة

و البت عماله كل شوية ترفعلنا ايديها في وشنا كأنها نفسها تحط صابعها في عيننا..خلاص خلاص شفنا يا امي خلاص ..مش كده يعني مانتيش اول واحدة تتخطبي
طبعا بعد موجة التهاني اللي جاية من..القلب طبعا..عدى اليوم و كأننا في فيلم من أفلام الزميل الراحل شارلي شابلين..فيلم صاااامت مافيش غير نهى عماله توشوش مدام سندس و يضحكوا و يرجعوا يتوشوشوا و يضحكوا..آه ماهم خلاص هما الإتنين مرتبطشين زي بعض و كل واحدة ليها راجل

مخنوقة ..مخنوقة مش عارفة آخد نفسي

البت نيفين -ولأول مرة في تاريخ وزارة الصحة-تتعاطف مع المرضى و تكلهم بالراحة..تقريبا قالت يمكن دعاوي المرضى اللي بيدعوها عليها لما بترمي العلاج في وشهم تكون هي السبب في وقف حالها فقالت تغير الخطة و تخليها 4-2-4 يمكن ربنا يفك النحس

البت سمر بأه هي اللي قلقتنا قوي كل شوية تروح ناحية علبة سم الفران اللي في المخزن و تبصلها بصات غريبة كده و ده اللي خلانا طول اليوم مراقبينها و عمالين نبعدها عن أي كوباية شاي بتاعتها أو بتاعة نهى و ما ارتحناش غير لما بعدت عن السم و راحت تلعب بالمقص..المقص سهل ..هتعور حاجة هنقدر نلمها ..لكن سم الفران ده نعمل فيه ايه؟
أنا عن نفسي كنت فرحانة…آه فرحانة فيه حاجة؟؟…البت صحيح سهنة و غلاوية و سماوية و خبيثة ..بس زميلة كفاح يعني.

و صحيح انا بقيت باعتبر أي حالة خطوبة او جواز على سطح كوكب الأرض إهانة شخصية في حقي..بس خلاص بأه يمكن تكون اول الطابور و الكل يكر وراها.

وصحيح احنا قلنا كده لما مدام سندس اتجوزت من 4 سنين..لكن يمكن كل 4 سنين واحدة..بالمعدل ده هنحتاااااج

“4*13″

يعني…. 52 سنة على مانخلص لدستة البنات اللي في الصيدلية ..لكن برضه أهو يبقى فيه أمل
عدى اليوم اللي كان اطول يوم في تاريخ البشرية و كل شوية ترميلنا فيه معلومة.

.أصل حسام..ده يبقى اسم المأسوف على شبابه

أصل في المستشفى بتاعته..يعني دكتور

أصل مامته الله يرحمها..و كمان مالكيش حماة ..يابنت المحظوظة

كام نظرة من تحت لتحت على 3-4 أصوات لمصمصة شفايف انطلقت من انحاء الصيدلية و راحت مكملة الجملة

نزلت الهانم جري واحنا وراها بنتدألج ع لسلم و بنوقع كل حاجة في طريقنا المرضى و الموظفين حتى الشجر البلاستيك اللي قدام أوضة المدير ..عشان نلحق نتفرج ع المحروس و على عربيته

صحيح لابس نضارة كعب شفشق مش كعب كوباية و كبيرة لدرجة انها مش بس بتعالج نظرة دي أكيد كمان بتعالج حواجبة و خدوده

لكن راجل ..هو حد لاقي رجالة محترمة اليومين دول
العربية صحيح مش عربية 16-اللي هي 4*4 بس انا باحب أختصر-لكن عربية فخمة برضه 128 حمرا موديل 79..و البنت قعدت جنبه في العربية ولا كإنها قاعدة جنب ابن رئيس مراجيح مولد النبي و بصتلنا بصه كلها غل و تشفي و مدام سندس ركبت وراها..الهي يشوفك الباشمهندس الشافعي و يطين عيشتك يا رب

عاااااااااااااااااااااااااااا

منقووووووووووووووووووووووووووووووول

اتمنالكم جمعه مباركه ضاحكه

ومتأسفة جدا علي اي حزن او نكد قد اكون تسببت فيه وتقبلوا مني هديتي البسيطه

لا يا ماما…لأ.. لسه ماوصلتش للدرجة ديمديت ايدي و وقفتها قبل ماتكمل و بصينا في عينين بعض و انا باقولها بعمق و تأثرأما روحت البيت و حكيت لماما بصت للتليفون و هي بتفكر و مدت إيديها و بدأت تطلب في رقم أنا حافظاه كويس قوي..رقم طنط حشريةالواد مش وحش ..شغال يعني..هو صحيح رفع القلم الرصاص و كل شوية يلحق البنطلون قبل مايقع منه و ودانة واضح انهم واخدين موقف شخصي من بعض أو محترمين دماغه جدا لدرجة انهم واقفين الوقفة السودة دي..لكن خلقت ربنا يعنيطبعا ماهي دي المضمونة بقيتنا خطر على المحروس…ماتيجي يا مدام سندس نوصلك في سكتناعن إذنكوا بأه يا جماعة أصل حسام هيجي يوصلني بالعربية بتاعتهو فجاة في آخر اليوم تلتفتلنا بكل بجاحة قال و تقولنا..بقية الصيدلية بأه..أجاركم الله..البت سماح كل شوية تقوم تقف في الشباك نقولها مالك ترد عليناالبت السهنة ..ولا تقول و لاحسينا بيها..و لاسمعنالها لا حس و لاخبر..قال ايه نسيبها يوم نيجي التاني نلاقيها دخلالنا و واقفة في وسط الصيدلية و هووب رفعتلنا ايديها اليمين و الدبلة بتلمع فيها
مش تباركولي يا جماعة انا اتخطبت
الصيدلية اللي كانت في حالة حركة فجأة كل حاجة فيها وقفت في مكانها زي ماتكون بتتفرج على شريط فيديو و هنج فجاة عشان الهيد عايز يتمسح..كل حاجة وقفت حتى المرضى على الشباك وقفوا و بحلقوا و هما مش فاهمين” كأنهم بيقولوا”الجماعة دول ممكن حد فيهم يتخطب بجد”؟؟؟” شوية و الكل لفلها ببطء و عينيهم مبرقة و البت رجعت خطوتين لورا استعدادا للجري ..و فجأة انطلقت زغروتة مدوية كان مصدرها -طبعا- مدام سندس..ماهي مش خسرانة حاجة… و بعد ماانطلقت مدام سندس و خدت البت بالحضن و احنا بصينا لبعض على أساسا ان منظرنا هيبقى مش لطشيف لو مارحناش و هنيناها دلوقت..راحت كل واحدة فينا مطلعة من شنطتها الإبتسامة اللي شايلاها للمناسبات اللي زي دي-حلوة الحتة دي مش دي الإستعارة المكنية بتاعت النحو زمان؟-و الكل راح و هو عاصر على نفسه 12 كيلو لمون عشان نهني و نبارك بالمناسبة السعيدة..قال سعيدة قال

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : اجتماعي, ثقافي, خواطر | السمات:, ,
أرسل الإدراج  |   دوّن الإدراج  

126 تعليق على “عاوزة اتجوز…..”

  1. rash-al قال:
    مارس 21st, 2008 at 21 مارس 2008 12:41 ص

    راجعالك

    اشوف واركز على الكلام المنقوول

  2. سلامه ابن ابو سلامه قال:
    مارس 21st, 2008 at 21 مارس 2008 12:41 ص

    هديه مقبوله ياساندى ..نكدتى بيها على البنات فى ليلة الجمعه …عموما جمعه مباركه ياساندى …وعقبالك انتى وفارس أحلامك.

  3. سلامه ابن ابو سلامه قال:
    مارس 21st, 2008 at 21 مارس 2008 12:44 ص

    هى كهرمانه ..مقيمه هنا ياجماعه…؟؟ وازاى ساهتنى وطلعت أول واحده..؟؟؟ آه ما هى المره دى ماقليتش زى عوايدها هيييييه..عشان كده انا ما حسيتش بيها وهى بتسحب بشويش…

  4. سلامه ابن ابو سلامه قال:
    مارس 21st, 2008 at 21 مارس 2008 12:46 ص

    وهو انا لاقيت خطبه من الأصل عشان اسمعها ياساندى ..؟؟؟ انا لقيت الصفحه بيضا زى البن الحليب.

  5. rash-al قال:
    مارس 21st, 2008 at 21 مارس 2008 12:48 ص

    هيييييييييييييييييييييه لاني نسيت اقولها ويسعد صباحك يارب

    شلة بنات الصراحة مهضومين وبيعقدوووو

    عجبتني جدا جدا جدا الكلام فعلا يضحك

    وحكاية سم الفيران جميلة والاحلى لما حولت للمقص والمقص سهل

    اي حاجت تتلم ؟؟؟؟؟؟؟؟؟ وكمان وصفهم للعريس ترى والله يضحك كتير

    يعني موضوع مهضوم كتير بجد ؟؟؟ تسلم إيدك ياساندي يلي جابتلنا هيك موضوع

    هديتك حلوة كتيررررر

    وجمعتك مباركة يارب يااحلى الصبايا

  6. مهدي خيرالله قال:
    مارس 21st, 2008 at 21 مارس 2008 1:34 ص

    ساندي

    مش عارف مُتأسفة دي اللي طلعت في البخت

    تعرفي الصديق أمتى يبان معدنه يا ساندي

    أكيد أنتِ مُحامية وعارفة

    بتتحطي في المواقف دي كتير

    أيوة صح

    وقت الضيق

    يعني لما يكون صاحي في حاجة مضايقاه

    المفروض أسمعه و أحاول أخفف عنه

    هل واجب عليه بعد كدا يقولي آسف

    والله بس لولا أنك أختي

    كنت ضربتك بالبوكس هههههههه

    جميلة القصة أوي بس الموضوع مش للدرجة برضو

    الناس بدأت تعقل وتجوز الشباب بأبسط الإمكانيات

    هُما عارفين كويس إن الشباب غالبيته مش لاقي يآكل

    وبيراعو الحاجات دي كويس دلوقتي

    و أهو الأب يقول لنفسه ما دام كل حاجة بتغلى

    ألحق أجوزها بدل ما بعدين ما اعرفش أأكلهم

    جوزها يشيل ذنبها بئى هههههههه

    لو تقوليلي مين كاتب القصة دي أو كاتبتها أكون شاكر ليكِ

    ليكِ الورد يا ساندي

    وعلى الله تقولي آسفة تاني

    :)

  7. همسات قلب قال:
    مارس 21st, 2008 at 21 مارس 2008 1:35 ص

    جميل مانقلته لنا ساندي الغاليه
    اتمنى ان تكوني بخير
    وجمعه مباركه

  8. Wahdah Wahedah قال:
    مارس 21st, 2008 at 21 مارس 2008 1:51 ص

    إهىء إهىء

    كده برده يا ساندى

    دا انا باقول عليكى بنت بلدى وجدعه وهاتراعى نفساويتشى

    كده برده يا أختاه

    لازم يعنى

    عموما ربنا يهنى سعيد بسعيده

    “وطبعا سامعانى وانا بامصمص ف شفايفى”

    ههههههههههههههههههههه

    جميل أوى يا ساندى

    وكل جمعه وانتى بخير يارب

    ويارب الجمعه الجايه أتفرج عليكى كده وانتى ………….!

    الا بالحق

    هو المأسوف على شبابه جه واللا ………..!

    سلام يا حبيبى

  9. fati قال:
    مارس 21st, 2008 at 21 مارس 2008 2:12 ص

    مشكورة يا ساندي

    على الادراج الجميل دى

    فلامنكوووووووووووووو

    جمعة مباركة

  10. مفتاح الكاديكي قال:
    مارس 21st, 2008 at 21 مارس 2008 2:41 ص

    أيه ده ياسادس عشر ..

    بجد قصة حلوة والله .. أنت الأيام الجاية حزيد لك

    السادس عشر شوي ..

    ماهو أنا بصراحة بخف ودايمن عندي الطيب أحسن

    هههههههههههه .. وعلى فكرة هو أنا أقدر ابوح

    بالسر لسلامة دي تبقى حكاية معاكي ..

    ياله دمتِ بخير متألقة أختى العزيزة سندريلا .

  11. زهرة النسرين قال:
    مارس 21st, 2008 at 21 مارس 2008 5:37 ص

    البت بتاعة عايزة اتجوز دمها شربات ..

    واختيارك كان رائع يا سندي ..شكرا لك ..

    اتمنى لك جمعة سعيدة مباركة عزيزتي ..وربنا يوعد كل البنات بعريس مسمسم زي عم سلامة يارب ..مش حنسى ادعيلكم كلم ..

  12. yaanas قال:
    مارس 21st, 2008 at 21 مارس 2008 6:18 ص

    كلام ظريف ولطيف جدا ..

    ويارب كل البنات تتجوز …

    كالعادة دمك زى الشربات يا ساندى …

    آف جدا على التأخير الايام الماضية كانعندى أعطال بالحاسوب

    جمعة مباركة عليك وعلى العائلة الكريمة

  13. غريب الدار قال:
    مارس 21st, 2008 at 21 مارس 2008 6:21 ص

    الرائـــعه .. ســــــــاندي …..

    صباح الخير والفل والياسمين ….

    اختيار ونقل رائع …. أعجبتني جدا ..

    جمعه مبـــاركه عليكم جميعا ….

    ساندي انت الفرحه في زمن الغلب والفجيعه وكفي ….

    وستبقين الانيقه …… وفي حروفك وكتاباتك عطر الاناقه ….

    كل عام وانت بخير وجميع افراد اسرتك الكريمه ….

    احترامي وتقديري

    غريب الدار

  14. raeda_2008 قال:
    مارس 21st, 2008 at 21 مارس 2008 6:52 ص

    عزيزتي ساندي

    شكرا على الزيارة والتعليق الجميل

    بالنسبة للبنت ذكرتيني وحده معرفة ..كانت تحكي بدي عريس رتبة كبيرة بالجيش

    وكل سنةبتتنازل عن رتبة لما وصلت للمرحلة الحرجة كانت تحكي يا رب عسكري حاف ما بدي رتبة……..تزوجت عسكري من غير رتب

    خفيفة دم ساندي.غيرتي لنا جو الصباح

    دمتي بحب ساندي

  15. محبة الإسلام قال:
    مارس 21st, 2008 at 21 مارس 2008 7:06 ص

    هههههههههههههههههههههه

    والله أنتي شربااااااات وعسل ياساندي

    موضوعك فكرني بمدونة الكتاكيت لما مابعرف مين من جيرانهم ومقصوفة رقبتها اتخطبت واحد متريش كده

    هههههههههههههههههههههه

    الله يسعد أيامك يارب

    وصباحك سكر زيادة

  16. باسل فلسطين.... قال:
    مارس 21st, 2008 at 21 مارس 2008 8:28 ص

    ساندي..
    اولا شكرا على الموضوع خفيف الدم وصباحك فل …
    لكن الزواج رغم كونه مناسبة تستحق الاحتفال غير انه بنظري هناك في الحياة اشياء كثيرة تستحق الاحتفال اكثر من الزواج….
    اكيد انا مش مغفل وفاهم انه الموضوع سخرية مرة من موضوع العنوسة لكن العنوسة مشكلة سببها توقفنا كمجتمع عن التفكير باشياء كثيرة اهم……
    كل حياتنا بحاجة لتغيير شامل ومبروك للعروسة……

  17. osama قال:
    مارس 21st, 2008 at 21 مارس 2008 8:34 ص

    غلبانة البنت نهى دي اخدت “قر” من بنات حوا يكفيها العمر كله وشوية كمان لاولادها واحفادها….وبعدين هو موضوع الجواز بقى صعب قوي اليومين دول كده…الله يرحم ايامنا كنا بنتجوز اتنين عادي كده..زي شكة الابرة…كان زمان وجبر

  18. nasra sameeh قال:
    مارس 21st, 2008 at 21 مارس 2008 10:39 ص

    ههههههههههههههههههههه

    موتيني من الضحك يا ساندي وبتقولي اسفة ؟!!

    يقطع شرك يا شيخة

    …

    مشكوووووووورة مليون مرّة يا عسل على الضحكة الحلوة

    ولعلمك هادي اول ضحكة إلي اليوم، من الصبح وأنا مكشرة وحالفة ما أضحك أبداً لأن ضرسي بيوجعني ومفيش دكاترة اليوم، يعني مضطرة اصبر لبكرة.

    يارب يضحك وجهك يوم القيامة يا ساندي

  19. RAYAN قال:
    مارس 21st, 2008 at 21 مارس 2008 11:33 ص

    يه المواضيع الحلوووه دي يا ساندي

    من جد رغم انه منقول لكن حاسس انو يحتوي على ابداعاتك

    جمعه مباركه

  20. drreyad قال:
    مارس 21st, 2008 at 21 مارس 2008 12:07 م

    يا خبر يا ساندى ….. ايه خفة الدم دى ؟
    اختيار اكتر من رائع …. و اظن كده دى المدونة اللى اتنشرت فى كتاب و حققت اعلى مبيعات فى معرض الكتاب و استضافوا صاحبتها فى التليفزيون ….صح و الا انا نشنت غلط؟
    عقبالك كده لما تنورى القنوات الفضائية ….
    و عقبال كل البنات و الستات لما ربنا يكرمهم بالزوج المناسب ……
    و الرجالة كمان بادعى لهم و انا اولهم …..هو احنا مالناش نفس و الا ايه ؟
    ربنا يسعد الجميع
    تحياتى يا سكر

  21. سلامه ابن ابو سلامه قال:
    مارس 21st, 2008 at 21 مارس 2008 12:30 م

    جمعه مباركه ياساندى …

    وقولى لمفتاح …ان انا واخد بالى منه اليومين دول …وقريت كلامه فوق عندك…تعليقه يعنى …ده انا لو طلبت منه سر حربى ..ما كانش عمل معايا كده ياجنراله …

  22. سلامه ابن ابو سلامه قال:
    مارس 21st, 2008 at 21 مارس 2008 1:26 م

    ازاى بتقولى مناهل معاكى وجايين على الكفر .وهى أصلا بعافيه شويه …وناعسه اضطرت تأجل الغدا لغاية ما تشد حيلها شويه ..

    دى حتى ناعسه بلغت مناهل ……الا هى مناهل مقلتلكيش ياساندى ؟

  23. مريم العجيلي قال:
    مارس 21st, 2008 at 21 مارس 2008 1:26 م

    شوفي يا سندي

    انا زعلت منك ونكدتي عليا ههههههههههه امبارح اتعزمت على فرح بت كنت بشتريلها حلوة وهي بيبي ودلوقتي انتي

    ماشي يا ساندي ..

    طبعا الوردة ضامن زوجها زي مدام سندس ومافيش عند ماما مدام حشرية

    اعمل ايه انا دلوقتي اعيط والا اشد هدومي

    بعدين يا زهرة النسرين ارجوك في دعاك ماتقولي ومريم ليها واحد زي سلامة ده لا مسمسم ولا حاجة مااتنشرت صورتو واللي كان كان هههههههههه

    سلام

    فمنهووووووووووووووو يا غيزاني

  24. إشراف شيراز قال:
    مارس 21st, 2008 at 21 مارس 2008 1:37 م

    هههههههههههههههههههه

    قبل ما اعلق البالطو عندك اصل الدنيا حر خلاص

    الربيع و الصيف دخلو علينا مرة وحده ….

    و الله يا فتانه انا لسه بقرا ادراجك اللذيذ و انت تعلقي المقشه عندي

    يلا شوية و ارجعلك تاني

    محبتي

  25. إشراف شيراز قال:
    مارس 21st, 2008 at 21 مارس 2008 1:40 م

    سندي جميلة ……

    هي الصيدلية دي فين …أصلي صعبت عليا البنات و لهم عندي كم عريس

    لقطه الكيس بطاطس و الخشبة المتفحمة و المفلس اللي بدور على واحده

    لها دخل شهري تصرف عليه ….يعني كم واحد ما حصلوش لميتهم من القهوة

    اللي تحت العمارة بتاعت مرمر …..هههههههههههه

    فمنهووووو

  26. محمد العيسى قال:
    مارس 21st, 2008 at 21 مارس 2008 1:45 م

    سندريلا……..

    السلام عليكم ورحمة الله وبركاته

    كيف حالك اختي

    مبروك جواز البنت وعقباااااااااااااااااليييييييييييييييييييييي يييييييييييااااااااااااااااارب

    بمزح ههههههههه

    عقبالكم كلكم

    دمت بالف خير

  27. منال لطفى قال:
    مارس 21st, 2008 at 21 مارس 2008 1:50 م

    اية يا ساندى

    انت بتقلبى علينا المواجع لية يا ماما

    طب هى اتخطبت

    احنا مالنا

    كدة خلتينا نظن واستغفر الله

    وان بعض الظن اسم

    ان فى مصر لسة فى رجالة بتتجوز

    الله يساااامحك

  28. محمد السيد قال:
    مارس 21st, 2008 at 21 مارس 2008 1:59 م

    السلام عليكم

    اهو انتى اللى جمعتك مباركة

    ويارب دايما مبسوطة ودمك خفيف وبلاش طنط حشرية

    ــــــــــــــــــــــــــــ

    اما عن المدونات اياها

    شئ طبيعى جدا ان ازور كل الالوان لاننا لو معرفناش الرخيص مش هنقدر قيمة الغالى

    اما انا فتقييم شخصى صعب جدا عليكى عشان تاخدى فكرة وحشة او حلوة

    اخوكى الصغير(محمد السيد)

  29. مفتاح الكاديكي قال:
    مارس 21st, 2008 at 21 مارس 2008 2:00 م

    جمعة مباركة عليك .. دمتِ بود أختى العزيزة .

    المرة دي من غير أي كلام .. يوم جمعة بقى.

  30. omnia_ el ward قال:
    مارس 21st, 2008 at 21 مارس 2008 2:05 م

    هههههههههههه

    ساندى دى هديه ولا عقاب

    عموما الحمد لله الواحد اتهور وعملها لكن فى الرخص

    ههههههه تسلمى حبيبتى

    أيامك كلها مباركه

    دمتِ بحب

  31. المناهل قال:
    مارس 21st, 2008 at 21 مارس 2008 2:28 م

    جمعه مباركه ياقمر المدونات وحلاتهم

    اي الروعنه دي قصه كلها نفسنه هههههههههه

    وبعدين بلاجواز بلا هم ياساندي قولي عاشت الحريه ههههههه

    الي رجعه ليكي ياقمر

    فلامنكوووووووووووووووووووووووووووووو

  32. Wahdah Wahedah قال:
    مارس 21st, 2008 at 21 مارس 2008 3:02 م

    ساندى

    أحلى سندريلا عرفتها

    وحشتينى

    جيت أسلم وأقولك يارب كل لحظه وانتى بخير يا حبيبى

    سلام يا أموره

  33. محمد السيد قال:
    مارس 21st, 2008 at 21 مارس 2008 3:10 م

    هههههههههههههههههههههههه

    لو بتحسبى الكبر والصغر بعدد السنين

    تبقى انتى النغة النغةكونغة

    اما انا بحسبها بالمقام

    وشرف ليا انى ابقى اخوكى الصغير

    ـــــــــــــــــــــــ

    ملحوظة

    (كل شوارعى سد)

  34. أكرم صبري قال:
    مارس 21st, 2008 at 21 مارس 2008 4:03 م

    بيب بيب ساندى

    ازيك يا معلمة اخبارك ايه

    ايه التوبيكات الحلوة دى

    هو لسه فيه ناس بتتجوز وتتخطب فى البلد دي ..!!

    طيب ايه رايك يا معملة لو نعمل فرع راسين فى الحلال فى جمعيتنا

    ولا انتى منانصار امشى فى جنازة ولا تمشى فى جوازة هههههههههههههه

    على العموم يا باشا انا معاك

    فى اى حاجه

    حتى ولو كانت

    تفصيص البذلة

    ههههههه

  35. eman_m_ قال:
    مارس 21st, 2008 at 21 مارس 2008 4:03 م

    اختيار موفق
    امتعتينا كعادتك غاليتي ساندي

    كوني بحب

  36. مريم العجيلي قال:
    مارس 21st, 2008 at 21 مارس 2008 5:17 م

    ساندي

    خلاص سماح النوبة دي المرة جاية شوفي مين المدمات ومين العوــــــــــــــــــــــــــــــــــــــ وراعي شعورنا ماشي

    يالا بحبك وخلاص

    فمنهوووووووووووووووووو

  37. محمد رمضان قال:
    مارس 21st, 2008 at 21 مارس 2008 6:07 م

    مررت للتحية والسلام

    السلام عليكم ورحمة الله وبركاته

  38. cinderella قال:
    مارس 21st, 2008 at 21 مارس 2008 6:36 م

    حبيبه قلبي اغلي واحلي ورده بلدنيا كلها

    يا حياتي الحمد لله انك ضحكتي

    والله نفسي الكل هنا يضحك قبل الضحك ما يغلي

    بجد اصبحنا مكتئبين ولكن هناالضحك له اسباب كما يقولون ومع انه واقع مؤلم الا انه واقع ومع الاسف

    حبي للغاليه

    فلامنكوووووووووووووووووو

  39. cinderella قال:
    مارس 21st, 2008 at 21 مارس 2008 6:37 م

    عمو سلامه

    كويس انك مش الاول لانك مش هتقول هييييييييييييه وحلوه زي الورده الجميله دي

    وبعدين والله ما قصدي انكد علي اي حد ابداااا

    ده موقف كوميدي اي نعم كوميديا سوداء ولكنها حقيقه مع الاسف

    ههههههههه

    طيب ممكن تسلم لي علي ناعسه

    فلامنكوووووووووووووووووووو

    والسر في بير ها

  40. cinderella قال:
    مارس 21st, 2008 at 21 مارس 2008 6:41 م

    مهدي

    صديقي وابن بلدي الغالي

    شوف يا سيديطبعا لازم اعتذر لاني مكنتش احب اقلبها ماتم هنا

    ما علينا المهم انك تفهمت الموضوع ومن غير بوكس دانت طلعت حنين بشكل يا خرابي….

    الفكره في الموضوع هنا مش انه ييسروا علي الشباب ومش للاسباب اللي انت قولتها دي ابداااااااااا

    يعني في ابهات كتير الان بيخافوا جدا علي بناتهم وخصوصا انه البنت حاليا بتشتغل ومش ناقصه اللي ياكلها

    الفكره مش موضوع اكل وشرب ابداااا

    الفكره في انه الرجال الان بقي عندهم مواضيع تانيه تشغلهم عن الزواج لو عندهم امكانيات واللي معندوش امكانيات هيتجز ازاي اصلا في ظل ارتفاع غير مسبوق في اعداد العاطلين يعني فكرك في اب هيجوز بنته لعاطل ولا قليل الادب؟؟

    اشك ومن هنا ارتفع سن البنات جدا وخصوصا لو بتعمل لانها لن تبحث هنا عن رجل يؤيها ويطعمها مثل القطط

    تحياتي لك

  41. cinderella قال:
    مارس 21st, 2008 at 21 مارس 2008 6:43 م

    همسات قلب

    جمعه مباركه لكي اختي الجميله

    وانشاء الله عيد ام سعيد عليكي وعل يمن تحبين

    تحياتي لك

  42. cinderella قال:
    مارس 21st, 2008 at 21 مارس 2008 6:46 م

    حبيبتي وبنت بلدي الحلوة واجمل وحيده

    لا تبكي يا حياتي فكل شئ مقدر في هذا الكون ولكل اجل كتاب ههههههههههه

    يا حياتي الزواج نوع من القدر مهما فعلنا لن نقدمه يوم ولن ناخره يوم وانا لله وانا اليه راجعون

    خلاص بقي لا تزعلي ولا توجعي راسك

    طيب مانا مش متجوزه ومش صغيره قوي ولكن ولا فارق معايا ولسه بتدلع وبارفض وبقلب جامد والله

    انا بدور عي حبيب ورفيق وصديق مش بدور علي حيطه ولا ظلها ويمكن ده اللي موديني في داهيه

    ما علينا

    المهم جمعتك مباركه وكها خير يا رب

    وكمان مرورك هنا يشرفني ويسعدني دوما

    حبي للغاليه

  43. cinderella قال:
    مارس 21st, 2008 at 21 مارس 2008 6:47 م

    فاتي

    اهلا بك صديقتنا الحنونه….طيعا ده خوفي منك بس اللي خلاني اقولك كده

    هههههه

    جمعتك مباركه يا غاليتي

    وان شاءالله كل ايامك سعيده

    فلامنكوووووووووو

  44. cinderella قال:
    مارس 21st, 2008 at 21 مارس 2008 6:49 م

    اخي الغالي مفتاح

    هههههههههههه

    طيب هتخليني الكام بقي

    الكلام مكنش فيه كده

    ههههههههه

    طيب علشان مش قادره افسر لحسن عم سلامه يعرف السر

    ومتخفش مني طبعا انت عارف انه الواقعه معايا فيها سرقات مدونات وافلام لا انت ولا انا قدها

    ههههههههههه

    جمعتك كلها خير وبركه ان شاء الله

  45. cinderella قال:
    مارس 21st, 2008 at 21 مارس 2008 6:51 م

    نسرينا

    تخيلي بنات المدونه كلهم عندي من الصحب وعاملين مظاهره وبيطالبوا براسك هنا

    بقي يوم ما تدعي لنا بالجواز تقومي تربطيه بشبيه عمو سلامه؟؟؟

    منك لله

    دول البنات مرعوبين وعاوزين ياكلوكي وبيقولوا كله الا ده وخصوصا بعد ما عنود نشرت صورته عن قرب والكل مفجوع

    اي نعم هو حلو ومعجباني بذوقه وادبه واخلاقه العاليه ودي طبعا لا ننكرها ولكن شطله الصوره تبعه ابداااااااا

    شخصيا مش عاوزه دعوتك دي

    قولي بس الجزء الاول ولا تكملي وحياتك

    هههههههههه

    تحياتي لك وجمعه مباركه باذن الله تعالي

  46. cinderella قال:
    مارس 21st, 2008 at 21 مارس 2008 6:53 م

    يحي

    سلامه كمبيورتك

    انشالله اي كمبيوتر تاني الا هو

    هههههههه

    جمعتك سعيده ومباركه ان شاء الله

    ولا تتاخر ثانيه

    تحياتي لك

  47. cinderella قال:
    مارس 21st, 2008 at 21 مارس 2008 6:55 م

    اخي الكريم غريب

    ايه يا سيدي كل الكلام الحلو ده

    والله مش مصدقه روحي بجد

    طيب ممكن تعملي بيه شهاده

    وانا هعلقها علي باب مكتي لانه الموظفين عندنا ناوين يعلقوا يافطه احترس وحش بالداخل ههههههههههههههههه

    طيب خلاص هصدق كلامك وامري الي الله

    جمعه سيعده مباركه باذن الله تعالي

    فلامنكوووووووووو

  48. cinderella قال:
    مارس 21st, 2008 at 21 مارس 2008 6:57 م

    حبيبتي ام ليث

    هههههههههههه

    حلوه حكايه البنت دي والله

    بس وحياتك اليومين دول بنشوف العجب

    لي صديقه بنت ناس فعلا وجميله بشكل كبير جدا ومثقفه وراقيه بشكل مش معقول وانصدمنا انها اتخطبت وبعدين اتجوزت واحد عاطل عن العمل وكمان اصلا لا يملك اي شئ من الدنيا مش مثلا عاطل بلوراثه

    ولما سالتها ليه.؟؟؟

    قالت لاني عاوزه اتجوز قبل ما يفوتني القطار حتي ولول هصرف عليه؟؟؟

    الحلو بقي في الموضوع انه الجميل الغندور بيرسم علي الشله بتاعتنا كلها مصدق حاله الاهبل ومتخيل انه بقي صيده والكل هيجري وراه

    وانا اعتقد اننا فعلا هنجري وراه ولكن ول واحده في ايدها شبشب بس

    ههههههه

    جمعه مباركه عليكي وعلي كل من تحبين

  49. cinderella قال:
    مارس 21st, 2008 at 21 مارس 2008 6:59 م

    حياتي محبه الاسلام

    هههههههههههه

    تعرفي واله صح

    موضوع شبه البنت العفريته بتاعه الكتكيت

    والله اتنكدت بجد لما مش لاقيت المدونة وكلمت صديقتي وقالت انهم اختلفوا وفضوها مع انهم كانوا فعلا روووووووعه

    ما علينا الحقي نفسك قبل ما الجواز ما يخلص

    ههههههههه

    حبي للغاليه

    فلامنكوووووووووو

  50. مهدي خيرالله قال:
    مارس 21st, 2008 at 21 مارس 2008 7:00 م

    يا ساندي

    والله مش هيجوزها لعاطل ولا قليل أدب

    ولكن حتى لو جاله واحد شغال بس مرتبه بسيط

    أو وضعه الاجتماعي بسيط

    كان مش بيقبله والله

    واسألي مجرب ولا تسألي طبيب

    هه

    مجرب

    المُهم حاجات كتير سبب تأخر سن الزواج

    بالنسبة للبنات

    يعني مثلاً .. إكمال التعليم وبعد كدا تدور على شغل

    وبعدين تشتغل وبعدين تفكر تحسن وضعها الوظيفي ده غير اللي بتفكر

    في ماجيستير و دكتوراه و اللي أكتر من كدا كمان

    كل دي حاجات من شأنها مبدئيًا تخلي البنت ما تتجوزش قبل 21 سنة

    طبعًا طبعًا طبعًا

    ده لو كانت متفوقة في الدراسة وما كانتش بتحب الجامعة أوي

    وقعدت سنتين تلاتة فى كل سنة

    من ناحية تانية

    بعض البنات بيبصوا على غيرهم يعني تقول واشمعنى بنت خالتي

    تتجوز واحد معاه كذا وكذا وبنت عمي كذا وكذا

    و أنا أتجوز واحد هيعيشني على قده

    طبعًا نستثني حالات الحُب اللي في الغالب بتتقابل برفض من الأسرة

    والبنت تضرب عن الزواج ومشاكل

    كتيرة بتحصل

    يعني من الآخر مش الرجال هما السبب بس والله

    ومش في حاجات تانية بتحجبهم عن الزواج ده بجد

    أنا أعرف واحد صاحبي خاطب من فترة

    و شغال شغلانتين والله وبرضوا مش عارف يكتب

    الولد يا عيني كاره نفسه

    طبعًا أنا في الأمان الحمدُ لله يعني شغال كان بها قعدت عادي

    مش هتفرق كتير لأني مش مُرتبط ومش بفكر أرتبط

    غير لما الوضع يتحسن شوية

    كمان خمسين سنة ولا حآجة :)

    معذرة إن كنت تناولت الموضوع من زاوية واحدة بس

    وبعدين مين كاتبة القصة دي أنا سألت المرة اللي فاتت

    ولا أسمها سر حربي ؟

  51. cinderella قال:
    مارس 21st, 2008 at 21 مارس 2008 7:01 م

    اخي الفاضل باسل

    الله يسعد ايامك يا رب

    وفعلا موضوع العنوسه كبر جدا لانا تركنا اسبابه وجرينا وراء الحق قبل السعر ما يغلي عليك؟؟

    ولا كانها جايزه اللي مش هيلحقها مش هيشوف السعاده ابدااااا

    الياه فيها الكثير ولكن ايضا الزواج من المطالب الاساسيه لا تنسي هذه الحقيقه

    تحياتي لك

  52. cinderella قال:
    مارس 21st, 2008 at 21 مارس 2008 7:02 م

    اسامه

    ههههههههههه

    حلوه حكايه الابره دي

    ولكن الابر الايام دي رخصت قوي وبقت ببلاش والله ولذلك حين تحب تشتريها متلاقيهاش بلا عيوب

    هههههههههه

    تحياتي لك

  53. cinderella قال:
    مارس 21st, 2008 at 21 مارس 2008 7:04 م

    نصره

    الف سلامه عليكي وعلي ضرسك

    انا عارفه حركات الاجازات دي والله كانت تحصلي يلا يحبك المرض وخصوصا الاسنان الا يوم الاجازه تنقي بقي يوم خميس ولا جمعه واخد علي راسي

    ربنا يتمم شفاكي

    والحمد لله انك ضحكتي معانا هنا

    الله يكرمك يا رب ودعوتك كتير حلوه لكي منها نصيب باذن الله تعالي

  54. cinderella قال:
    مارس 21st, 2008 at 21 مارس 2008 7:05 م

    رياااااااااان

    فينك يا اخي

    والله مش من بداعي خااااااالص

    بس فعلا هي قريبه من طريقتي انا لو هكتب عن نفس الشئ هيبقي كتير قريب من كده

    خللي بالك احنا المصريين كتير متشابهين في موضوع التهريج ده

    تحياتي لك

    فلامنكووووووووووووووووو

  55. cinderella قال:
    مارس 21st, 2008 at 21 مارس 2008 7:07 م

    د.محمد

    والله انت هتعملها حرب مدونات

    رجاله ايه دل المتجوزين اللي بتدعيلهم دول؟؟؟

    طيب افتن انا بقي واعترف باللي عندي ههههههههههه

    صحيح ربنا يا رب يرزق كل بنات ورجال المسلمين خيره الناس ويوفقهم ربي الي ما يحب ويرضي

    اما عن صاحبه الموضوع فانا بجد مش متاكده بس احتمال ما تقوله صحيح

    الحقيقه لا اعلم عنها كثيرا لانه اصلا الموضوع جالي من اصحابي مش انا اللي دورت عليه

    تحياتي لك وجمعه مباركه ان شاء الله تعالي

  56. cinderella قال:
    مارس 21st, 2008 at 21 مارس 2008 7:08 م

    عمو سلامه

    ملكش دعوه بمفتاح

    هو صديقي ومش هيعترف لك ومش هيفتن ابداااااااااااا

    وبعدين مناهل حبيبتي وجت واتسندت عليا انا والورده وانت اللي ماعبرتناش وادينا راجعين في المكروباص اهو وجاعانين زبنا في رقبتك انت وناعسه

    فلامنكووووووووووووووووو

  57. cinderella قال:
    مارس 21st, 2008 at 21 مارس 2008 7:10 م

    مريومه حياتي

    ههههههههههههههههههههه

    مت ضحك والله

    يا روحي ولا يهمك

    مش انتي اللي مضربه عن الزواج هو حد اجبرك

    ما علينا

    ربنا ان شاء الله يرزقنا جميعا خير الرجال ماهو مش معقوله هنصوم ونفطر علي؟؟؟؟

    مش هكمل لحسن اتقتل علي باب مدونتي

    هههههههههههه

    حبي للغاليه والله لا استغني عنك مريومه ابدااااااااااااا

  58. cinderella قال:
    مارس 21st, 2008 at 21 مارس 2008 7:12 م

    شوشو حياتي

    بقي نا فتانه

    عاااااااااااااااااااااااااا

    اديني بعمل زي البنت اهو

    زعلت واتقمصت

    كله علشان فسرت الموضوع لعمو سلامه؟؟

    الله بقي سماح يا شوشو ومش هعملها تاني ولو جه سالني علي اي حاجه لن اعترف

    صحيح والله دول عرسان ولا احسن منهم

    خديهم علي اقرب ملجئ وسيبيهم هناك ده مكانهم الطبيعي

    ههههههههه

    تحياتي وحبي لك

  59. cinderella قال:
    مارس 21st, 2008 at 21 مارس 2008 7:13 م

    محمد العيسي

    وعليكم السلام ورحمه الله وبركاته

    هههههههههه

    انشالله عقبالك وعقبالنا كلنا وليه لا

    يعني هو انتم مالكوش نفس يعني

    تحياتي لك

  60. cinderella قال:
    مارس 21st, 2008 at 21 مارس 2008 7:16 م

    منولتي حبيبتي

    هههههههههههههههه

    حلوه ان بعد الظن اثم دي

    لا والله في رجاله يصلحون للزواج لسه

    بش اغلبهم معندوش امكانيات اصلا

    الله يخرب بيت الاقتصاد اللي خرب العالم ده ولخبط كيانه كله

    تحياتي لك

  61. cinderella قال:
    مارس 21st, 2008 at 21 مارس 2008 7:19 م

    محمد السيد

    يا عم مغرور انت وانه تقييم صعب قوي وانه صعب علي حد يقيمك

    هههههههههه

    والله انت فعلا لطيف وبتضحك

    شوف الدخول في مدونات كتير ده صح جدا

    انا شخصيا عملته في بدايه عهدي بالمدونات وده خلاني والحمد لله اركز مع لكويسين ولا اضيع وقتي في التفاهات

    وانا كنت بقولك كده من باب التحذير لانه مدونات كهذي بتكون سامه فعلا

    الفكره كمان انه التقييم بالمقام مش السن برضه انا اخذته بتهريج لانك اصلا لا تعلم عني شئ ولا تعرف سني ولذلك كنت بهرج معاك

    اما موضوع الشوارع السد ده فخليه لك لاني لا ادخل شوارع من اصله

    ههههههههه

    تحياتي لك

  62. cinderella قال:
    مارس 21st, 2008 at 21 مارس 2008 7:20 م

    حبيبتي امنيه

    ههههههههههههههه

    حلوه موضوع الرخص دي

    ههههههههههههه

    تقريبا كل اللي اتجوزوا قالوها

    ولكن ولا يهمك لكل اجل كتاب يعني هنروح فين

    تحياتي لك

  63. cinderella قال:
    مارس 21st, 2008 at 21 مارس 2008 7:21 م

    حبيبه قلبي وحياتي احلي مناهل

    ههههههههههه

    صحيح والله فلتحيا الحريه

    تعيش

    تعيش

    تعيش

    هههههههههه

    مستنياكي يا قمر

    فلامنكوووووووووووووو

  64. cinderella قال:
    مارس 21st, 2008 at 21 مارس 2008 7:23 م

    كيمو

    ايه يا عم المظاهره دي

    انا افنضحت في المدونات

    وكده يهجوا يلمونا حادثه شغب

    وبعدين يا سيدي انا مش معلمه والله انا متنازله عن اللقب خلاص خخخخخخخخخخخخخخ

    وموضوع الجمعيه ده حلو قوي

    وانا هعمله فورا علشان انقي انا واتجوز براحتي واللي يقيض اوريه للبنات هههههههههههه

    تحياتي لك

  65. cinderella قال:
    مارس 21st, 2008 at 21 مارس 2008 7:24 م

    حبيبتي احلي خيال

    يومك كله سعاده يا حياتي

    والحمد لله انه ضحكتي

    فهذا اقصي امالي لكم جميعا

    دمتي بحب

  66. cinderella قال:
    مارس 21st, 2008 at 21 مارس 2008 7:25 م

    عمو محمد

    وعليكم السلام ورحمه الله وبركاته

    مرورك يسعدنا دوما

    تحياتي لك

  67. cinderella قال:
    مارس 21st, 2008 at 21 مارس 2008 7:27 م

    مهدي

    والله لا اعرف اسم البنت صاحبه الموضوع لانه جالي اي ميل ولا اعرف مصدره والا كنت كتبته

    كمان بالنسبه للموضوع

    هقولك شئ انا واحده من البنات اتخرجت عندي 20 سنه بس ودرست بعد كده كتير وبشتغل وبترقي وحاجات من اللي انت شايفها بتاخر سن الزوج مع انك مش واخد بالك من حاجه

    انه الزواج كقدر مكتوب وقته وميعاده ولو لم اكن اعمل وبدرس كنت هقعد اعمل ايه؟؟؟ فلم يحن وقتي بعد

    الفكره انه في ظل وجود بطاله وكمان طموحات غير مرتبطه بالواقع الطرفان صاروا في ازمه فعلا

    في دي تفق معاك

    تحياتي لك

  68. drreyad قال:
    مارس 21st, 2008 at 21 مارس 2008 7:29 م

    الاميرة الرائعة ساندى
    باكرر الدعاء لكل اللى عايزين حلال ربنا بالتوفيق …. فيها حاجة دى ….رجالة او ستات ….ربنا يسعد الكل …..خليكى محضر خير يا سندريلا ……
    و بعدين بلاش توقفى حالنا و تقطعى علينا الله يكرمك …خلينا نشوف مصالحنا …. اعتبريه اعلان عندك فى المدونة ….. ايه رايك بقى ؟؟؟؟؟؟
    تحياتى يا سكر

  69. lulu قال:
    مارس 21st, 2008 at 21 مارس 2008 7:33 م

    مش معقول انا كنت حموت من الضحك يا ستي ذكرتينا بحالتنا كلنا لما وحدنا بتخطب والاحلى من هيك كأنه ايدها السمال مشلولة واليمين هيه الشغالة ههههههههههه والله انا فعلا ضحكت من كل قلبي يا سندريلا

    قمر والله

    الله يفرجها على كل الصبايا….. أصل الرجالة نعمة واللي يكرههم يعمى

    قبلاتي لكي حبيبتي

    مع محبتي

    انا

  70. مهدي خيرالله قال:
    مارس 21st, 2008 at 21 مارس 2008 7:36 م

    أيوة فعلاً كل شيء جاي وقته

    بس الأخذ بالأسباب ضروري

    ولا أيه

    على العموم ربنا يرزق الجميع

  71. مجد الدين قال:
    مارس 21st, 2008 at 21 مارس 2008 8:04 م

    كبسووووووووووووووووووووووله
    ايه الحلاوه دي ايه الطعامه دي
    قصه جميله جدا جدا ولو اني كنت اتمني انها تكون من تاليفك
    انتي انا بحب كتاباتك انتي مش كتابات حد تاني
    بس عموما رسمتي الابتسامه علي وجهونا
    ودي صدقه ربنا يتقبلها منك ان شاء الله
    تحياتي اغلي صديقه

  72. السيسى قال:
    مارس 21st, 2008 at 21 مارس 2008 8:36 م

    واللة يأخت سندريلا كلامك كويس باللغة بتاعتنا

    حتما هايجى يوم ونتجوز ………..الصبر جميل.

    واذا ماتجوزناش اية اللى هايحصل ؟ افتكر اني ممكن اتجنن

    اذا اتجننت “ممكن اهلوس واجرى فى الشارع واقول يارب …….يارب.

    وبعدكدة ربنا ينتعنا بالسلامة؟وزى ماتيجى

    عالعموم كلامك جميل ………كلامك معقول

    مقدرش اقول حاجة عنه

  73. damas_2008 قال:
    مارس 21st, 2008 at 21 مارس 2008 8:41 م

    ايه جمال ده يساندى

    نقل جميل

    شكرا على البسمه

  74. م طارق وجدى قال:
    مارس 21st, 2008 at 21 مارس 2008 8:56 م

    السلام عليكم و رحمه الله و بركاته

    العزيزه : ساندى

    جزاك الله خيرا على هذا الادراج الرائع المنقول كما ذكرت

    بس ان شاء الله يكون الحال احسن من كده

    و ربنا كريم و عالم بحال البنات و الشباب

    لكن لابد من وقفه مع النفس

    تقبلى مرورى و لك تحياتى

    و السلام عليكم و رحمه الله و بركاته

  75. لين عبد الله قال:
    مارس 21st, 2008 at 21 مارس 2008 9:37 م

    مررت للالقاء التحيه وارى جديدك

    اسعد الله اوقاتكي حبيبتي حقا كلامك غايه في الظرافه

    ودمتي بكل حب

  76. maya قال:
    مارس 21st, 2008 at 21 مارس 2008 10:23 م

    بلا قواز بلا نيلة

  77. maya قال:
    مارس 21st, 2008 at 21 مارس 2008 10:25 م

    نص الكلام الي فوق اختفى:(

    خفة دم المصريين مستحيل أحدينافسهم فيها

    تسجيل حضور لكل هذا الكم من السعادة والمرح

    الحياة حلوة حتى من غير قواز : )

    تحيتي لكـِ

  78. كنزي قال:
    مارس 21st, 2008 at 21 مارس 2008 11:10 م

    انتى والله نكته حكايتك لذيذه

    تحياتى ليكى يا اجمل ساندى

  79. منى محمد(نـــــوتــــيلا) قال:
    مارس 21st, 2008 at 21 مارس 2008 11:31 م

    هههههههههههههههه

    تعررفي اول ماشفت مدونة غادة عادل قبل شهر

    ضحكت من قلبي وحبيتها

    وانا بقول ايه جاب سيرة العدل في بوء ساندي اليوم امممممممممم

    هههههههههههه

    مش عايزة اتجوز

    حاكمل موضوعك ياحلوة

    فلالالالالالالالالالالالالالالامنكو

  80. منى محمد(نـــــوتــــيلا) قال:
    مارس 21st, 2008 at 21 مارس 2008 11:32 م

    على فكرة ياساندي غادة منزلة كتااااااب كمان عن مدونتها اسمو عايزة اتجوز

    ههههههههههه

  81. منى محمد(نـــــوتــــيلا) قال:
    مارس 21st, 2008 at 21 مارس 2008 11:35 م

    http://wanna-b-a-bride.blogspot.com/

    دا الرابط للي بيسأل

  82. وجه حقيقي قال:
    مارس 22nd, 2008 at 22 مارس 2008 12:34 ص

    أضحك الله سنك وأسعد أيامك

    ورزق كل أخواتنا بمن يستحقهن ويصونهن..

    تقبلي شكري وتحياتي….

    أريد أن أسألك سؤالا……في حاجة اتغيرت في مدونتك…..العمود بتاع أنصح بزيارة؟؟؟ ولا أنا نسيت…(:

    دمت بكل ود

  83. سلامه ابن ابو سلامه قال:
    مارس 22nd, 2008 at 22 مارس 2008 12:49 ص

    ايه ياساندى …فيه ايه ..؟؟؟ أنا مش قايلوكو ان ناعسه أجلت الغدا للجمعه اللى بعديها ..عشان مناهل بعافيه شويه..؟؟؟

    وبعدين بصريح العباره كده ناعسه قالت لومناهل ماحضرتشى يبقى مافيش لاغدا ولا عشا….آه …لأن ناعسه بتنام وتصحى أصلا على قصص مناهل …وهى بتحب قبل ماتنام أقرى لها شوية …

    ده أنا حتى قريت لها موضوعك اللى فوق ده بتاع عايزة أتجوز …أينعم هى سخسخت على روحها شوية من الضحك …بس لما فاقت قالت لى رجعنى تانى لقصة رامى وايمان.

  84. rash-al قال:
    مارس 22nd, 2008 at 22 مارس 2008 1:53 ص

    ساندي

    كده بقى مش العزيمة متأجلة من اساسهااااااااااااااا

    ليه بتقولو لعمو سلامة فين اللحم والكلام ده

    هو اجلها لغاية مناهل ماتشد حيلها وتبقى اخر تمام

    خلاص العزومة الجمعة الجاية

    فلامنكووووووووو ابقى خلو بالكم من عمو سلامة مش انا حكيت وقولت ماحدش يزعله

    فلامنكووووووو ياعسل

  85. علي عبدالرحمن قال:
    مارس 22nd, 2008 at 22 مارس 2008 5:59 ص

    ساندددددددددددددددددي

    وتقوليلي مش عايزين معاكسات

    ده إنتو متشحتفين

    عابر سبيل بعاكس جنب كلية البنات مصر الجديده

    الثلاثاء والأربعاء في كلية التجارة عين شمس

    أوعي أشوف بنات هناك من بتوع الصيدلية

    تلاقي ريحتكو دوا وسم فران ههههههههههههههههههههه

  86. يوسف إبراهيم.. قال:
    مارس 22nd, 2008 at 22 مارس 2008 6:30 ص

    cinderella..

    أشكرك على الإدراج.. بس ما قلتيش منقول من مين.. إنتِ لازم تبلغي اللي كاتب القصة دي إنه روائي بس ما حدش قال له..

    ………

    تحياتي..

  87. الفيل--النت بتتكلم عربى قال:
    مارس 22nd, 2008 at 22 مارس 2008 6:53 ص

    شوفى الصياغة كويسة -و الهدف محدد هو ان يقع فى ايد كل واحدة نفر تستفرد بيه

    واضح ان المسالة زى كمين

    ولما يقع الدغف يبقى وقع

    وهو اللى عمل كده فى نفسه

    ويتحمل بقية عمرو نتيجة غفلته للحظة يتم اقتناصه فيها

  88. mona sawy قال:
    مارس 22nd, 2008 at 22 مارس 2008 9:19 ص

    **..ساندي الرائعه

    ..عاوزه تضحكي بجد..

    ..روحي زوري بنتي الكبيره فى الغردقه..و اتفرجي على زميلاتها..الموظفات

    ..من سن اتنين و عشرين لاتنين و تلاتين عينيهم فى وسط راسهم..

    ..و اللي يغيظ و يفرس..ان الشباب كذلك..

    ..يبقى قعر شفشفق..و لا حتى جردل ..أحسن من قاعدة الندامه..

    .

  89. ياسر شفيعي قال:
    مارس 22nd, 2008 at 22 مارس 2008 9:57 ص

    انا بس حبيت اقول اني معجب بالمدونه … بس خلاص

  90. طارق موافي قال:
    مارس 22nd, 2008 at 22 مارس 2008 10:09 ص

    عزيزتي سندريلا

    جمعة مباركة دايما علي وعليك وسائر االمسلمين

    والدنيا زي ما انت تعرفي معتش زي الأول ربنا يستر

    وكل عام انت والعائلة بخير وسعادة

    طارق

  91. علي عبدالرحمن قال:
    مارس 22nd, 2008 at 22 مارس 2008 10:13 ص

    ساندي

    أعتبر هذا الإدراج تصريح بالغزل وإليكي البداية

    لا ألوم قلبي على هواكي

    فأنا طائر في سماكي

    أنتي ورودي وأشواكي

    وياليتني قطرات نداكي

    لو تعلمين كم أحبكي لكنتي لي ظل لكنتي ملاكي

    يا قمر إنتي عموماً أنا هابعت دغعة عرسان على الصيدلية

    وكلمة السر ( سم فران ) ههههههههههههههه

    عابر سبيل

  92. العنود الراشد قال:
    مارس 22nd, 2008 at 22 مارس 2008 10:41 ص

    الى من يمتلكون اكبر مساحات الود في قلبي : مـــــــســـــــاء الخير
    ساندي الرائعة …
    دوما تدهشينا بادراجاتك الجميلة …
    دوما تحملين افكار متجددة تجعلنا من اشد المعجبين بمدونتك الرائعة
    موضوعك جميل والحوار بسيط ويشد القاريء
    اتمنى لك المزيد من الابداع والتقدم
    تحياتي

  93. طالبي شوقي قال:
    مارس 22nd, 2008 at 22 مارس 2008 11:19 ص

    الأخت ساندريلا

    مشكورة على هدية

    يوم الجمعة ونحن من

    جهتنا نقول لك

    جمعة مباركة

    ولكل فتاة تريد الزواج

    تقبلي تحياتي

    وتسرني زيارتك لمدونتي

    دمت بخير

    وشكرا

  94. هيثم ابوخليل قال:
    مارس 22nd, 2008 at 22 مارس 2008 11:27 ص

    الأخت ساندي / موضوع العنوسة أمر قاتل ومشكلة رهيبة …. وقد أبدعت

    الأستاذة غادة عبد العال في مدونتها عايزه أتجوز في سرد ما تعانية الفتاة التي

    تتأخر في سن الزواج ….

    أدعوا الله أن يهتم المسئولين في بلادنا بهذه الكارثة ويعملوا حاجة صح مره في

    حياتهم ويعملوا لحل هذه المشكلة …

    تحياتي

  95. masamati قال:
    مارس 22nd, 2008 at 22 مارس 2008 12:14 م

    ساندي…

    ايه الحلاوة والعسل اللي بينقط…والله العظيم …على الرغم من صعوبة الموقف…بس انت حولتية من شر البلية …الى …ما يضحك…

    اسلوبك رشيق ودمه زي العسل..وانت باستخدامك العامية المصرية المحببة..خليتني مبهورة…ساعة اعبس وساعة اضحك…شكرا لك

  96. سليمة جزائري قال:
    مارس 22nd, 2008 at 22 مارس 2008 4:32 م

    رغم انني تعبت في قراءة القصة بسبب كتابتها بلهجة إلا أنني صممت على إنهائها

    هي حقيقة ما يجري

    قد ضحكت كثيرات خاصة حين حسبت 13*4

    في إدارتنا 10 فتيات غير متزوجالت يعي 40 سنة مليح أكون في سن التقاعد أحسن إن كنت الأخيرة …

    تحياتي

  97. قلب الأسد قال:
    مارس 22nd, 2008 at 22 مارس 2008 5:26 م

    مش هاقول لك اكثر من ان الادراج راااااااااااائع

    وشكرا ليكي يا ساندي

    قلبتي علينا المواجع

    هبة - قلب الاسد

  98. دمعة الحب قال:
    مارس 22nd, 2008 at 22 مارس 2008 7:36 م

    اختي الغاليه ساندريلا

    جميل ما وجدته في مدونتك الرائعه

    واتمنى لكي مزيد من النجاح والتفوق

    تحياتي لكي دمتي بود غاليتي

  99. ابو عبيدة قال:
    مارس 22nd, 2008 at 22 مارس 2008 8:35 م

    ربنا يرزقك بابن الحلال صعبت عليا امن مستعد اطوع ……. وووووووووووووووادعيلك بابن الحلال

  100. أحمد سعيد قال:
    مارس 22nd, 2008 at 22 مارس 2008 9:23 م

    أنا هخاف أروح أى صيدلية

    الواحد لو راااااااااح هناااااااااااك هيطخطف

    ههههههههههههههههههههه

    جامدة اوى يا بنت يا ساندى

    أوعى تكونى شغالة فى الصيدلية

    نيجووووووووووور

  101. المغترب قال:
    مارس 22nd, 2008 at 22 مارس 2008 9:55 م

    اسلوب حلو بالسرد للقصة

    اضحكني ببعض اجزائه

    وابكاني بمعناه ولمحاته

    اتمني لك التوفيق

    ادعوكم لقراءة ادراجي الجديد

    الشتا المسافر

    بس هاتي شمسية معاكي لان الدنيا بتمطر بمدونتي

    مدونة المغترب

    http://jedmhm.maktoobblog.com/

  102. محمد فكرى قال:
    مارس 22nd, 2008 at 22 مارس 2008 10:12 م

    فكرتك جميلة واسلوبك شيق وممتع اسمحيلى اهنيكى على الوصف المتميز ليوميات بنت عاوزة تتجوز

  103. (بر مصر ) هشام حماده قال:
    مارس 22nd, 2008 at 22 مارس 2008 11:34 م

    رائعه ياسندريلا و خفيفة الدم جدا….

    والله لم أمالك نفسى من الضحك…

    لكن أدعو لكم تتزوجوا كلكن….

    يارب نفرح بكل البنات ..و يصلح حالهن

    لك تحياتى

  104. rash-al قال:
    مارس 22nd, 2008 at 22 مارس 2008 11:34 م

    اهلييييييين

    حمدلله على سلامتك ياقمر

    اي مومشكلة مشان الغلط

    انا وصلني منك بعد مابعتلك

    المهم رجوعك ياقمر هدا هو المهم

    يالله تصبحي على خير

    فلامنكووووووو يااااا ؟؟؟ سند ظهري

  105. سلامه ابن ابو سلامه قال:
    مارس 23rd, 2008 at 23 مارس 2008 12:05 ص

    انتى فين ياساندى ..؟؟؟ والنبى ياشيخه ماتتقمصى من عمك سلامه ..؟؟ انتى بنفسك قلتى كله يهون عشان خاطر عيون مناهل العلم والأدب والمعرفه…

    الا هى كهرمانه بتقول لك حمد الله على السلامه ليه ..؟؟ انتى كنتى مسافره ..؟؟؟ والا عشان نزلتى من الدور الخمسه وعشرين للدور الخمستاشر ..؟؟

    قولى لمفتاح يدردش معايا شويه ياساندى ..مفتاح خايف منك …انتى بتعملى ايه فى الناس ..؟؟؟ قولى له يدردش معايا ..عشان أدعى لك ..وانا دعوتى مقبوله بإذن المولى .

  106. Love in Allah قال:
    مارس 23rd, 2008 at 23 مارس 2008 12:22 ص

    السلام عليكم ..

    لقد رسمتى اختى العزيزة الابتسامه على شفاهى ..

    ولكن القصة بالطبع مبالغ فيها ، ولكن لو من اجل الضحك فانتى نجحتى في ذلك ..

    لكى كل التحية والسلام ، وادعوك لابداء رايك فيما نقدم ..

    تقبلى مرورى المتواضع ..

  107. Karim Ghaly قال:
    مارس 23rd, 2008 at 23 مارس 2008 2:43 ص

    هى البنت بتاعت عايزه اجوز فعلاً لذيذه

    وشوفتها فى كذا برنامج فى التلفزيون

    وكان يعتبر انتصار للمدونين

    بس برضه مش بحبذ طريق كتابتها

    ممكن تكون بتعجب ناس كتيرر

    بس ماشاء الله نزل لها اول كتاب فى معرض الكتاب من دار الشروق

    واتعاقدت دار الشروق ايضاً مع ثلاثه من زميلتها اللى بيكتبوا على بلوجر

    وسلامى لكى يا سندريلا

    كريم غالى

  108. محبة الإسلام قال:
    مارس 23rd, 2008 at 23 مارس 2008 3:32 ص

    صباح الخير على أحلى ساندي

    بصبح عليكي

    وبتمنى لك يوم جميل

  109. علي عبدالرحمن قال:
    مارس 23rd, 2008 at 23 مارس 2008 6:35 ص

    ماشي يا ست ساندي من غير صباح الخير لتفتكريها معاكسه هي كمان

    أنا بتاع البصبصه أنا

    علشان بجاملك بكلمتين يرفعوا من روحك المعاكساتية

    أنا غلطان ومش رايح لا كلية البنات ولا كلية التجاره

    وعلى فكرة بقى إحنا الرجاله هنعطش السوق من المعاكسات زي الأسمنت يعني

    والكلمة بعدين هتبقى بفلوس

    يعني يا قمر بخمسة وسبعين قرش - طيب متزعليش

    في الصيف هنعمل عروض وتخفيضات يعني ممكن تسمعي كلمة واحده والتانية مجاناً

    عابر سبيل اللي عمره ما كان بيبصبص أصلاً الكلمة تقيلة ورخمه حتى في كتابتها

    باين عليكي لسه عايشه في عصر قوم واقعد

  110. raeda_2008 قال:
    مارس 23rd, 2008 at 23 مارس 2008 7:22 ص

    صباح الخير والأنوار

    مرور للسلام

    دمتي بخير

  111. إٍســـــــــــراء الحســـــــين قال:
    مارس 23rd, 2008 at 23 مارس 2008 8:47 ص

    ساندي السلام عليكم بس بالجد قصة حلوة خصوصاص دق الوصف وخفة الدم دنتي ماخلتيش للعريس حاجة و بعدين حلوة حكاية أي خطوبة إهانة شخصية !! واللهي عسل , وسم الفئران والمقص الأسهل دنتي تحفة وكمان حالة الحقد التي بقيتو فيها , عمموماص قصة مره حلوة وممتعة.

  112. خالد فحل قال:
    مارس 23rd, 2008 at 23 مارس 2008 11:00 ص

    hiu

  113. rash-al قال:
    مارس 23rd, 2008 at 23 مارس 2008 2:34 م

    ساندي الحلوة سند ضهري

    الجديد بمدونتي عنوانه مقعد في الحديقة

    فامنكووووووووووووووووو

  114. سارة القلب قال:
    مارس 23rd, 2008 at 23 مارس 2008 3:07 م

    بجد قصة تجنــــــــن ، و مضحكة جدا

    و اعتقد انها قريبة للواقع

  115. omnia_ el ward قال:
    مارس 23rd, 2008 at 23 مارس 2008 6:12 م

    ساندى يا قمر

    مرور محبه أين جديدك

    البنات جالها احباط هههههه

    مساؤك سكر

  116. سلامه ابن ابو سلامه قال:
    مارس 23rd, 2008 at 23 مارس 2008 6:55 م

    بيقولو انك بتوزعى حاجات حلوة ياريسه ..بمناسبة سلامة العوده …

    عموما عمك سلامه بيقول لك حمد الله على السلامه …

    وهو تحت أمرك فى الجعضيض والذى منه ..وكل طلباتك مجابه ..بس ابقى افتكرينا فى حتة شاكالاته .

  117. هبه خطاب قال:
    مارس 23rd, 2008 at 23 مارس 2008 7:06 م

    صديقتى الغالية …سندريلا

    تعرفى انا لسه نشره موضوع جديد وكنت مضايقة جدا ومخنوقة على الاخر واول ما دخلت مدونتك وقرات هذا الموضوع ضحكت كثيرا لاننى كنت اتصور نفسى من باقى الفريق اللى فى الصيدلية ….

    موضوع ممتع وفكاهى وظريف يا سندريلا ..اشكرك عليه ولانكى استطاعتى ان ترسمى به ضحكه سعيده .

  118. طارق الغنام قال:
    مارس 23rd, 2008 at 23 مارس 2008 7:29 م

    لرائعة سندريلا

    مدونتك دائما اجد فيها خفة دم وجمال مواضيعك

    تقبلى تحياتى

    ادعوكى لقراءة ادراجى من ام امريكية الى ثلاث نساء عراقيات

    ودمتى بود

  119. جيهان قال:
    مارس 23rd, 2008 at 23 مارس 2008 7:29 م

    ساندى الغاليه\ وحشتينى موووووووووووووت ووحشتنى ادراجاتك موضوعك لذيذ جدا جدا وممتع اوى

    تحياتى ليكى يا بنت بلدى

  120. المغترب قال:
    مارس 23rd, 2008 at 23 مارس 2008 8:13 م

    العزيزة / سندريلا

    مرحبا بك .. وكويس انك جريتي قبل المطر ميجي عليكي

    شكرا لمرورك الكريم

    واتمني ان نتواصل دائما

    دمت بخير

  121. زكي عثمان رباط قال:
    مارس 23rd, 2008 at 23 مارس 2008 9:06 م

    جيت متأخر كالعادة !

    يعني 120 تعليق مش قليل

    على العموم انقل اعجابي

    بالزوق الرائع في النقل

    ودمتي بمودة

    زكي رباط ،،،

  122. ريما الشيخ قال:
    مارس 30th, 2008 at 30 مارس 2008 3:00 م

    ههههه

    هيدي المرة بدي حط ضحكة لأني ضحكت من كل قلبي

    عنجد اللي كاتب المقال هيدا رائع ومهضوم كتير

    حرام ان شاء الله يتزوجوا كلهم بيوم واحد وما ينتظروا كل هيدي السنين

    كل الحب والتقدير لك ساندي

  123. عابر سبيل قال:
    مايو 10th, 2008 at 10 مايو 2008 4:12 م

    تصدقى بالله أنا قريت الموضوع كأنى معاكم

    ربنا يكون فى عونكم ياللى لسه متجوزتوش بس بصراحة الكلام الى بتقوليه ده مش صحيح مية فى المية لأ دا صحيح مليون فى المية و فعلا ده الى بيحصل

    مش عارف هو فيه أزمة رجالة و ألا أزمة أهل عاوزين يجوزوا بنتهم لأحسن واحد واقف فى طابور العرسان

    و الله أنا اتجوزت و لا حسيت يعنى زى ما بيقولوا زى شكة الأبرة ههههه و أهل مراتى لا طالبونى بحاجة و لا محتاجة حتى أبوها كان عاوز يعمل لها مؤخر و لما رحنا يوم كتب الكتبا و قلتله أنا تحت أمرك عاوز نكتب كام قالى يا عم انسى أنا مديلك بنتى و لو رجعتهالى هاخد منك فلوس عليها

    بس تعرفوا يا عوانس أقصد يا بنات بجد بجد بجد كل واحدة فيكم لازم تدور على عريس و المهم انه يكون راجل مش يكون مجموعة أرقام فين الشقة و العربية و فين المرتب و فين و فين لأ المهم انه يكون رااااااااااجل يحافظ عليها

    تصدقوا أنا بعد ما خطبت مراتى كنت كل ما ازورها تقولى معندكش عريس للبت فلانة صاحبتى و الا علانة زميلتى و الا ترتانة بنت خالتى و عمتى

    و كأنى ماشي و شايل اصحابى فى جيبى كل يوم هطلع واحد و اديهولها تحدفه على واحدة من اصحابها

    و فى يوم من ذات الايام جبنا واحد كويس و ابن حلال لواحدة صاحبتها قوووم ايييييه لما سألتنى عن مكان شقته لقتها بعيدة شوية فطلبت منى أساله لو ممكن يبيع شقته و ياخد شقة قريبة من بيت ماما و طبعا دى كانت آخر مرة أسمع كلام مراتى الى كانت وقتها خطيبتى أو حتى اسمعها و هى بتتكلم عن واحدة صاحبتها لأنى لو كنت مسكت صاحبتها دى كنت قتلتها ( يعنى واحدة بقى عندها 32 سنة و كل يوم تعيط و تشتكى و هتموت و تتجوز و بتتأمر طب على أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ )

    عموما ربنا يفرجها على كل واحدة منكم و الله بصراحة الواحد بيحزن على الى بيسمعه على البنات اليومين دول و الأهم من كده ربنا يسترها معاكم و تحافظوا على نفسكم

  124. زهرة الامل قال:
    مايو 11th, 2008 at 11 مايو 2008 4:55 م

    ههههههههههههههههههههه

    يا سندريلا ايه ده

    المصرواية دول خفيفين دم أوي

    والأقصة لزيزة وبتحكي عن واقع معبر عزيزتي

    الله يسعدك يااارب

  125. اسرة انسانية قال:
    مايو 13th, 2008 at 13 مايو 2008 4:45 م

    كنت عاوزة اقرأ هذا الادراج من زمااان

    المهم طبعا موضوع لذيذ جدا:)

    اعتقد مشكلة ان البنات دائما يتمنوا الزواج ، هى مشكلة نتيجة لظروف المجتمع وآراؤه وافكاره باعتبار ان الفتاة مسيرها لبيتها وجوزها فقط ، مهما كان ما حققته فى مجال العمل او التعليم او خدمة المجتمع ، فكل هذا شئ وموضوع انها غير متزوجة شئ آخر وكأنها وصمة عار او كأن بها عيب؟؟!!!

    اعتقد لابد من تغيير هذه النظرة للمرأة على انها فقط لها دور واحد فى الحياة وهو دور الزوجة والام (حيث يستمر ايضا انتقاد المجتمع للزوجة التى لاتنجب ويشجع الزوج على الزواج باخرى وكأن هذا عيبا للمرأة)

    اعتقد انه آن لنا ان نرى السيدات بنظرة اخرى ، وان نقوم نحن السيدات بتغيير هذه النظرة لأنفسنا ايضا، فلا نشعر بالنقص اذا لم نتزوج او تأخرنا فى الزواج فهذا دور واحد من ادوارنا العديدة فى الحياة

    باختصار الموضوع ليس: ظل راجل ولا ظل حائط!!!

  126. loly قال:
    يونيو 15th, 2008 at 15 يونيو 2008 10:38 م

    الجميله ساندي………………………………..

    القصة جميلة جدا ومضحكة جدا وقعتي عليها فين دي يا أروبة؟ بس حقيقي وبرغم ان فيها شوية نميمة حلوين بس بتعرض مشكلة كبيرة مع روح الفكاهة العالية . حقيقي هايلة اوي ولك خالص تحياتي

« ظاهره عربيه فقط
حوار مع علماني…. »